Бүгүн Сыырдаахха эр дьон хаптаһын хайыттарарга мас бэлэмигэр субуотунньуктаатылар.
Нэһилиэк баһылыга Илья Ильин бу туһунан маннык кэпсээтэ:
– Бу бэлэмнээбит маспытын мантан сайын пилорамалаах икки олохтоох уолбут биирдии роспуһу буор-босхо хайытан биэрэргэ сөбүлэспиттэрэ. Ол хаптаһыннары оскуолабыт интэринээтин сөргүтэргэ дьаһалта урукку дьиэтин өрөмүөннүүргэ туһаныахпыт.
Онон субуотунньукка кыттыбыт эр дьоҥҥо, чуолаан тыраахтардаах тахсыбыт бааһынай хаһаайыстыбалаах дьоммутугар Василий Местниковка, Герман Бурцевка махталбытын тиэрдэбит.
Мария Аргунова