Бээрийэ нэһилиэгэр бүгүн, муус устар 22 күнүгэр, сүөһү кыһыннары уулуур биир эрэ Өтөхтөөх диэн күөлбүтүгэр сүөһү иитээччилэр күүстэринэн кыһыны быһа мунньуллубут сүөһү сааҕын ыраастааһыныгар субуотунньук буолла.
Бу күөлбүтүттэн 2019 сыллаахха ППМИ кыттыгас үбүлээһин программатынан сайыҥҥы уу ситимэ тардыллан олохтоохтор абыранныбыт.
Өтөхтөөх күөлбүтүн Бэрэпчики диэн от үрэхтэн саас аайы нэһилиэнньэ бэйэтин күүһүнэн уу бырахтаран толорон биэрэбит.
Бөһүөлэк иһигэр баар кыһыннары сүөһүлэрбит уулуур, сайыннары оҕуруоппутун уунан нүөлсүтэр, мундунан-собонон аһатар биир баар-суох күөлбүтүн ыраастааһыҥҥа сүөһүнү иитээччилэр көхтөөхтүк кытыннылар👍
Саргылана Бурнашева, бэтэринээр