Уһун Күөл орто оскуолатыгар сэтинньи 29 күнүгэр Уус Алдан улууһугар сокуоннай саастарын ситэ илик оҕолорго аналлаах социальнай-реабилитационнай киин специалистара «Барыта дьиэ кэргэн туһугар» социальнай десанынан кэлэн үгүс өрүттээх үлэни кыайа-хото тутан ыыттылар.
Чөл олохтоох, чэгиэн доруобуйалаах буоларга, бигэ туруктаах дьиэ кэргэн элбиирин туһугар анаммыт тэрээһин үөрэнээччи, төрөппүт болҕомтотун улаханнык тарта. Ол курдук идэни талыыга педагог психолог Т.П. Жиркова, М.Д. Готовцева 8-9 кылаас оҕолоругар бэсиэдэлэри ыыттылар. Социальнай-педагог В.П. Кондратьева «Финансовая грамотность», 34№-дээх ОГПС инструктора С.-А. Атласова «Пожарная безопасность в ОУ и в жилых домах» диэн олус наадалаах бэсиэдэлэри ыыттылар. Маны таһынан Мүрүтээҕи юннатскай станция үлэһитэ сахалыы куттаах В.Н. Бурцев, иитээччи Дь.М. Заболоцкай бэсиэдэлэрэ оҕолор куттарын тутуон тутта. ПДН инспектора Н.А. Николаева «Правовой час», медсиэстэрэ Н.К. Гуляева «Пора взросления» бэсиэдэлэрэ оҕолор интэриэстэрин тарта.
Бу көрсүһүү биир улахан суолталаах түгэнинэн Уус Алданнааҕы сокуоннай саастарын туола илик оҕолору реабилитациялыыр киин директора Иннокентий Сергеев, 1-кы Өспөх нэһилиэгин баһылыгын солбуйааччы Дусиван Жирков уонна Уһун Күөл орто оскуолатын директора Наталья Турантаева оҕону иитиигэ бииргэ үлэлииргэ сөбүлэҥ түһэрсиилэрэ буолла.
Түмүккэ төрөппүттэргэ үөрэхтээһин буолла, онно кинилэр үгүс интэриэһиргиир ыйытыыларыгар хоруйдары ылан үөрэн-көтөн тарҕастылар.