Бүгүн, аан дойдуга Игирэлэр күннэригэр, дойдум Курбуһах игирэлэрин туһунан кэпсиэхпин баҕардым.
Курбуһах нэһилиэгэ, архыып докумуоннарыгар 1642 сыллаахха киирбитинэн, биэс аҕа ууһуттан төрүттэммит. Өссө сурукка киирбитинэн, биһиги дойдубутугар уонтан тахса ойуун, удаҕан олорон ааспыттар. Итини таһынан нэһилиэкпит саамай уһун үйэлээхтэринэн эмиэ биллэ сылдьыбыт. Ол курдук Пестряков Иван Филиппович 129, Шоломов Николай Николаевич 134 саастарыгар тиийэ олорбуттара биллэр. Билигин 90 саастаах кырдьаҕас Курбуһахха аҕыйаҕа суох.
Онон баҕар ол эмиэ элбэх игирэ төрүүрүгэр олук буолбута буолаарай диэн сыалтан үөрэтэн көрдүбүт. Ситэтэ суох ааҕыынан, бу күҥҥэ диэри Курбуһахха 40 игирэ төрөөбүт эбит. Ити – 1900 сылтан 2025 сылга диэри аахтахха, саамай элбэх игирэ 2020 сыллаахха төрөөбүт. Биир нэһилиэккэ айылҕатынан бачча элбэх игирэ төрүүрэ өрөспүүбүлүкэ да үрдүнэн суоҕа буолуо дии саныыбын. Урукку кэмҥэ, эмп-томп аҕыйаҕар, сорохтор эрдэ оҕо саастарыгар өлөөхтөөбүттэрэ.
Александр, Николай Окоемовтар, 15.08.1900 с.т.
Варвара, Мария Поповалар, 02.06.1952 с.т.
Василий, Иннокентий Бурнашевтар, 15.03.1954 с.т.
Тамара, Михаил Винокуровтар, 13.02.1954 с.т.
Татьяна, Наталья Говоровалар, 05.05.1955 с.т.
Семен Васильев, 01.05.1960 с.т.
Сардаана, Саргылаана Дьячковскаялар, 27.05.1960 с.т.
Мария, Александра Аммосовалар, 14.08.1961 с.т.
Юрий, Валерий Протопоповтар, 08.11.1966 с.т.
Анна, Ирина Бурнашевалар, 10.08.1967 с.т.
Семен, Гаврил Аммосовтар, 27.10.1971 с.т.
Алексей, Иван Леонтьевтар, 27. 05.1974 с.т.
Ньургуйаана, Саргылана Аммосовалар, 21.11.1975 с.т.
Антонина, Ньургуйаана Местниковалар, 03.03.1977 с.т.
Михаил, Константин Окоемовтар, 11.07.1977 с.т.
Айсен, Айаал Булдаковтар, 03.03.1977 с.т.
Евдокия, Мотрена Васильевалар, 25.08.1978 с.т.
Айсен, Николай Копыриннар, 11.09.1979 с.т.
Анатолий, Александр Стручковтар, 04.03.1982 с.т.
Вера, Люба Винокуровалар 05.05.1989 с.т.
Алина, Виктория Черкашиналар, 13.09.1992 с.т.
Сорох сыл хас да игирэ төрөөбүт, ол курдук 1952, 1954, 1961, 1977 сылларга иккилии ыалга уонна 2020 сылга үс ыалга төрөөбүттэр. Ону тэҥэ 1952-1968 уонна 1974-1979 сылларга, «омуннаан» эттэххэ, сыл аайы төрөөбүттэр. Аны дьиктитэ диэн, биир дьиэ кэргэҥҥэ эбэтэр бииргэ төрөөбүттэргэ игирэ төрүүрэ хатылана турар. Ол курдук, Леонтьевтарга 1958 сыллаахха уонна 1974 сыллаахха, Нафанаиловтарга 2020 уонна 2025 сылларга хатыламмытын сөҕөн бэлиэтиэххэ сөп. Бииргэ төрөөбүттэргэ хатыланыыта эмиэ баар. Холобур, Копыриннарга 1957 сыллаахха, ол кэннэ 1974 сыллаахха, Местниковтарга 1952 сыллаахха, кэлин 2022 сыллаахха, Татариновтарга 1968 сыллаахха, кэлин 2011 сыллаахха, Тимофеевтарга 2001 сыллааххс,кэлин 2013 сыллаахха төрөөбүттэр.
Игирэлэр төрүт үкчү буолбаттарын эмиэ ыйыахха сөп. Дьүһүннэринэн, омос көрдөххө, майгыннаһар курдук буолан баран, майгылара атынын, кэлин тус-туспа идэлэри да талалларынан араастарын билэбит. Курбуһах игирэлэрин 51% учуутал, медик буолбуттар.
Дьэ, бу курдук айылҕа дьиктитин – игирэлэр – тустарынан туспа ырытан киһи элбэҕи суруйуон сөп.
Мария Аммосова, уопсас. кэрэсп.