Дьокуускай куоракка биэнсийэлээхтэр, СӨ Үһүс саас оскуолатын филиалларын ортолоругар остуол оонньууларыгар республикатааҕы XII күрэс буолан ааста.
Бу күрэскэ Сахабыт сирин араас муннуктарыттан актыыбынай аҕам саастаах дьон түмсэн дуобат уонна саахымат, хаамыска уонна хабылык, остуол тенниһигэр күрэхтэстилэр.
Түмүккэ Ирина Басыгысова хапытааннаах улууспут Үһүс саас оскуолатын хамаандата иккис миэстэни ылан үөрүүтэ үксээтэ. Бастакы миэстэни – Амма, үһүс миэстэни Нам хамаандалара ыллылар. Кыайыылаах хамаандалар турнир кубогынан, дипломунан уонна харчынан наҕараадаланнылар.
Мария Аргунова