Бүгүн, муус устар 24 күнүгэр, Улуу Кыайыы 81 сылыгар анаммыт «Кыайыы дьыктаанын» И.С. Портнягин аатынан Сыырдаах орто оскуолатын орто, үрдүкү сүһүөх үөрэнээччилэрэ, үлэһиттэрэ, төрөппүттэр мустан суруйдулар.
Аахсыйа биһиги оскуолабытыгар 14.371 былаһаакканан тэрилиннэ. «Кыайыы дьыктаанын» оҕолуун, улаханныын барыта 46 киһи (23 оҕо, 16 үлэһит, 7 төрөппүт) суруйда.
Аахсыйа сүрүн сыала – Аҕа дойду Улуу сэриитин туһунан бэйэ билиитин тургутуу. Ону тэҥэ «Кыайыы дьыктаана» билиини эрэ бэрэбиэркэлээһин буолбакка, нэһилиэнньэ өйдүү-саныы сылдьар дьоһуннаах түгэнэ буолар.
Биһиги Аҕа дойду Улуу сэриитин туһунан чахчыны үүнэр көлүөнэ ыччакка тиэрдэр соруктаахпыт. Онон ситимнээн эттэххэ, бу аахсыйаҕа оскуола оҕолоро көхтөөхтүк кытталлара сүрүн оруолу ылар.
Ньургуяна Хорунова, иитэр үлэҕэ дириэктэри солбуйааччы