Бѳтүрүѳп таҥара күнүгэр Хомустаах сиригэр-уотугар Арассыыйа икки дьоруойа Алексей Неустроев уонна Филипп Евсеев кэлэ сырыттылар. Кинилэри Уһун Сыһыы сайылыкка кѳрүстүбүт, арыылаах алаадьынан, уохтаах кымыһынан күндүлээтибит.
Лѳгѳй нэһилиэгин баһылыга Николай Попов уонна Алексей Неустроев түҥүрэ Михаил Колодезников арыаллыы сылдьаллар. Геройдар сайылыгы астына кѳрдүлэр, фермаҕа киэһээҥҥи ыам саҕаланан эрэр буолан, түптэ буруота унаарбытыттан дуоһуйдулар. Таарыйа Василий Бурнашев Мыыла күѳл туһунан сырдатта, олохтоохк кулууп сэбиэдиссэйэ Анна Бечеканова бѳһүѳлэк историятын кэпсээтэ. Бачча кэлэн баран ыраас, дьэҥкир уулаах Дьуоттуга дуоһуйа сѳтүѳлээтилэр. От үлэтигэр киириэх иннинэ күүс-уох ыла, сынньана Хомустаах сиригэр икки герой кэлбититтэн биһиги, олохтоохтор, олус астынныбыт, үѳрдүбүт.
Яна Новгородова. Хомустаах