Быйылгы үөрэх дьылыттан улууспутугар Бүтүн Арассыыйатааҕы «Юнармия» байыаннай-патриотическай оҕо уонна ыччат общественнай хамсааһыныгар киирии тэтимнээхтик ыытылынна. Ол курдук, уопсайа 1131 оҕо оскуолаҕа тэриллибит этэрээттэргэ киирдилэр. Салайааччыларынан оскуола ОБЗР учууталлара буолаллар.
Үлэ үтүө түмүктэрдээх буолла. Ол курдук, Арассыыйа Дьоруойа, Бүтүн Арассыыйатааҕы «Юнармия» штабын начальнига Владислав Головин Михаил Стрекаловскай аатынан Өнөр орто оскуолатын үөрэнээччилэрин Иннокентий уонна Олимпий Бочкаревтары III степеннээх “Юнармейская доблесть” знагынан наҕараадалыыр туһунан бу дьыл муус устар 30 күнүнээҕи 67 №-дээх бирикээһэ кэллэ.
Үрдүк наҕарааданы бэс ыйын 12 күнүгэр Арассыыйа күнүгэр Дьокуускай куоракка үөрүүлээх чааска туттараллара былааннанар.
Бочкаревтар элбэх оҕолоох ыал уолаттара. Иннокентий быйыл 11 кылааһы, Олимпий 9 кылааһы бүтэрдилэр. Кинилэр иккиэн Юрий Протопоповка “ШМАС” байыаннай-патриотическай кулуупка утумнаахтык дьарыктаммыттара, элбэх байыаннай-спортивнай оонньууларга үрдүк ситиһиилэрдээхтэр, спортсменнар, ГТО «кыһыл көмүс» знагын хаһаайыттара.
Ол курдук, республикаҕа “Юный пожарный”, “Равнение на Героев”, “Защитник Отечества” курэх призердара, улууска ОБЖ, физкультура предметын олимпиадатын призердара, “Снежный барс”, “Спасательные работы” Профессионаллар Чемпионат, “Правоохранительная деятельность” компетенция кыайыылаахтара, “Юный пожарник” дружина чилиэннэрэ.
Төрөппүттэрэ Инна , Вадим Бочкаревтар уолаттарын үрдүк ситиһиилэринэн учууталларыгар Юрий Протопоповка улахан махталларын тиэрдэллэр.
Мария Винокурова, «Оҕо саас сирдьиттэрин» улуустааҕы координатора
#НавигаторыдетстваУстьАлданскийулус