Лөгөйдөөҕү лицей-интернакка үтүө үгэскэ кубулуйбут сандал Сааһы, Эйэ, Үлэ, бырааһынньыктарын уруйдуу көрсөр ≪Күөх Маай үҥкүүлүүр≫ оскуола иһинээҕи үҥкүү бэстибээлэ муус устар 25 күнүгэр ыытылынна. Быйылгы күрэс Кыайыы 80 сылыгар ананан, туруоруллубут үҥкүүлэр бары тус-туспа ураты тыыннаах, ойуулаах үҥкүүлэр буолбуттар.
Бэстибээл сүрүн сыала-соруга: оҕо кэрэни кэрэхсииригэр, кэрэ үҥкүү култууратын билэригэр, кылаас оҕолоро бары бииргэ түмсэллэригэр үөрэтэр. Бэстибээлгэ лицей кылаастара сылын ахсын 100% кыттыыны ылаллара олус кэрэхсибиллээх.
Кылаастар кэлэктииптэрэ үҥкүүлэргэ ордук сөпкө уонна тэҥҥэ хамсаналларын, сыанаҕа туттуу-хаптыы култууратын уонна үҥкүү уопсай уруһуйун, ис хоһоонун көрдүлэр.
Түмүккэ дьүүллүр сүбэ быһаарыытынан «Дебют года» анал ааты 1-кы кылаас (сал. Елена Карманова), «Очарование» анал ааты 2-с кылаас (сал. Аграфена Кычкина), «Вдохновение» анал ааты 10Б кылаас (сал. Лена Бурнашева), «Көрөөччү биһирэбилэ» ааты 3-с кылаас (сал. Валентина Нафанаилова) ыллылар.
Быйылгы күрэс уратытынан Аҕа дойду Улуу сэриитин кыттыылааҕа Егор Петрович Олесов аатынан үс сүһүөҕүнэн анал бириэмийэ олохтоммута олус үөрдэр. Бу бириэмийэни кини оҕолоро сиэннэрэ олохтоотулар.
Олесов Егор Петрович аатынан анал бириистэри туттулар:
— 2000 солк. анал бириис – 8Б кыл. (сал. Мария Аммосова);
— 1500 солк. анал бириис – 3-с кыл. (сал. Валентина Нафанаилова);
— 1500 солк. анал бириис – 5-с кыл. (сал. Александра Копырина).
Үҥкүү бэстибээлин дипломаннарынан ааттаннылар:
— 1-кы ст. – 10А кылаас (сал. М. Малышева);
— 2-с ст. – 4-с кылаас (сал. Наталья Олесова);
— 3-с ст. – 6-с кылаас (сал. Анна Сысолятина).
Лауреат аатын ылары ситистилэр:
— 1-кы ст. – 7-с кылаас (сал. Анастасия Колесова) – 1500 солк. бириис;
— 2-с ст. – 5 кылаас (сал. Александра Копырина) – 1000 солк. бириис;
— 3-с ст. – 8А кылаас (сал. Анисия Пахомова) – 1000 солк. бириис.
”Память павшим солдатам» диэн үҥкүүнү туруоран «Лауреат лауреатов» үрдүк ааты 8Б кылаас кэлэктиибэ ылла (сал. Мария Аммосова), кинилэргэ өссө 2500 солк. бириис ананна.
«Күөх маай үҥкүүлүүр-2025 » үҥкүү-бэстибээлин Гран-при хаһаайыннарынан «Вальс Победы» үҥкүүтүн бэрт үчүгэйдик толорбут 9-с кылаас үөрэнээччилэрэ буоллулар (сал. Надежда Бурнашева) – 3000 солк. бириис.
Үҥкүү бырааһынньыгын түмүгэр оҕолор минньигэс сэмэй бэлэхтэри тутан астынан тарҕастылар.
Бары үөрэнээччилэргэ Маай бырааһынньыктарынан эҕэрдэ! Төрөппүттэрбитигэр, көрөөччүлэргэ истиҥ махтал!
Янис Сысолятин, «SiTiM LegMedia» юнкора