Өрөспүүбүлүкэ күнүн көрсө «Мин – Россия гражданинабын» диэн бырайыак чэрчитинэн бүгүн пааспары туттарыы тэрээһинэ үөрүүлээх быһыыга-майгыга ыытылынна.
Бу бырайыак «Биир ньыгыл Россия» партия улуустааҕы исполкома, кииннэммит библиотека тиһигэ, «Билии» общество улуустааҕы салаата, федеральнай миграционнай сулууспа, «Мин докумуоннарым» элбэх өҥөнү оҥорор киин көҕүлээһиннэринэн үтүө үгэскэ кубулуйбут тэрээһининэн буолар.
Уус Алдан 14 эдэр олохтооҕор Россия гражданина буолбуттарын туоһулуур докумуону – пааспары туттарыы долгутуулаах уонна үөрүүлээх чааһынан «Биир ньыгыл Россия» партия улуустааҕы исполкомун толорооччу сэкирэтээрэ Күннэй Рощина, Уус Алданнааҕы «Мин Докумуоннарым» элбэх өҥөнү оҥорор киин салайааччыта Мария Рожина, “Бастакылар” оҕо хамсааһынын салайааччыта Айыына Бережнова эҕэрдэлээтилэр.
Оҕолор бу тэрээһинтэн дойдуларын, төрөөбүт улуустарын чиэһин көмүскүүр, бэриниилээх буолууга эппиэтинэһи сүгэллэригэр эрэнэбит.
Уус Алданнааҕы кииннэммит библиотека тиһигин иһитиннэриитэ