РФ Президенин талар быыбарга Уус Алдан улууһун 12 635 киһи быыбардааччы испииһэгэр киирбититтэн 9 203 киһи үс күн устата быыбарга кытынна (72,84%). Онуоха 65 бюллетень дьиҥэ суоҕунан ааҕыллан, түмүгү таһаарыыга 9138 бюллетень учуоттанна.
Ол курдук бастакы күн түмүгүнэн Уус Алдан быыбардааччыларыттан 5325 киһи (о.э. 42,44%) быыбарга кыттан гражданскай иэһин толорбута. Онуоха Балаҕаннаах учаастагын 32 быыбардааччытыттан 27 киһи куоластаан быыбарга кыттыы 84,38% көрдөрдүлэр. Оттон Тиит Арыыга 130 быыбардааччыттан 109 киһи куоластаата (83,85%).
Иккис күҥҥэ быыбардааччы 61,53%-на куоластаабыта.
Үс күннээх быыбар түмүгүнэн Владимир Путин иһин Уус Алдаҥҥа 8460 киһи куоластаата, бу быыбардааччы уопсай ахсаанын 91,93%-на буолла.
100 % куолаһы Саһылыкаан, Балаҕаннаах уонна Остуойка олохтоохторо биэрдилэр.Леонид Слуцкай иһин 43 куолас киирдэ (0,47%), Владислав Даванков иһин 224 киһи куоластаата (2,48%), Николай Харитонов 411 куолаһы хомуйда (4,47%).