Бороҕон нэһилиэгин Үһүс саас оскуолатын чилиэннэрэ Евдокия Прокопьева, Анастасия Габышева, Анна Антонова, Галина Алексеева, Светлана Прудецкая, Ил-Ииһэ Хойоҥдо Саһылыкаан кыыһа сахалыы мааны тигии таҥаспытын симэнэн Дьокуускайга СӨ Норуот маастарын күнүнэн кулун тутар 5 күнүгэр сахалыы таҥастаах сэлэлии хаамыыга кытынныбыт.
Оттон «Якутия мастеровая» диэн өрөспүүбүлүкэтээҕи уус-уран быыстапка-дьаарбаҥкаҕа биһиги Далбар Хотуттарбыт норуот маастара Евдокия Прокопьева, иистэнньэҥнэр Сардана Стрекаловская, Анастасия Габышева кыттыстылар.
Биһиги норуот маастардарын үлэлэрин, уус-уран оҥоһуктарын олус кэрэхсии көрдүбүт. Кыттааччы да, көрөөччү да олус элбэх муһунна. Оҥоһуктара олус кэрэлэр. Уус Алдантан сахалыы таҥастаах сэлэлии хаамыыга уопсайа 70 киһи көхтөөх кыттыыны ыллыбыт.
Светлана Прудецкая, библиотекарь, уопсас. кэрэсп.