Сотору-сотору ханна даҕаны төлөпүөнү сэрэҕэ суох сэрээттии хаалларыыттан баһаар тахсыбытын туһунан истэбит. Биһиги улууспутугар маннык түбэлтэлэр эмиэ тахсыбыттара. Ол курдук 2022 сыллаахха 10х10 кв.м. иэннээх чааһынай дьиэ олоччу умайбыта. 2023 сылга чааһынай гараж уонна техника эмсэҕэлээбитэ.
Бу баһаардар сүрүн төрүөттэрэ – сэрээттэнэ турар төлөпүөн итийэн умайыытыттан уонна сэрээттиир тэрили туттан баран розеткаттан араарбакка барыыттан.
Онон маннык баһаар буолбатын туһугар:
- төлөпүөнү бэйэҕит баар эрэ кэмҥитигэр сэрээттиэхтээххитин умнумаҥ, сэрээттээн бүтэн баран сэрээттиир тэрили хайаан даҕаны розеткаттан араарыахтаахыт. Түүннэри холбоон хаалларыа суохтааххыт;
- анал сертификаттаах оригинал сэрээттиир тэрили туттаргытыгар;
- төлөпүөн батареята деформацияламмыт буоллаҕына, туттуо суохтааххыт;
- төлөпүөнү, планшеты, сэрээттиир тэрили күн күүскэ тыгар сиригэр хаалларымаҥ – итийэн умайан тахсыан сөп;
- утуйаргытыгар төлөпүөнү, планшеты сыттык анныгар угуо суохтааххыт – итийэн умайыы тахсыан сөп.
- сэрээттэнэ турар төлөпүөнүнэн кэпсэтиэ, оонньуо суохтааххыт – эмиэ итийэн умайан тахсыан сөп.
- төлөпүөнү ууга түһэрэр түгэҥҥитигэр анал специалистка көрдөрөргүтүгэр сүбэлиибит.
Баһаардар буолбаттарын туһугар уокка-күөскэ сэрэхтээх буолуҥ!
Баһаары утарыы улуустааҕы отдела