Радиотумул түөлбэҕэ бөөлүүн түүнтэн саҕаламмыт өрөмүөн үлэтэ түмүктэннэ – тоҥмут дьиэлэр бары сылыйдылар.
Түөлбэ ватсапка бөлөҕөр олохтоохтор Мүрү дьаһалтатыгар, чуолаан нэһилиэк баһылыгар Прокопий Румянцевка, улуус дьаһалтатын баһылыгар Василий Аммосовка уонна бары үлэлээбит эр дьоҥҥо барҕа махталларын эттилэр.
Бэҕэһээ киэһэттэн үлэлээбит эр дьон аһыылларын да суукка кэриҥэ умнан үлэ үөһүгэр түһэн, нэһилиэккэ үрдүк бэлэмнээх буолуу эрэсиимэ биллэриллэн, үлэ сөптөөхтүк салалынна, барыта этэҥҥэ түмүктэннэ, өссө биирдэ түмсүүлээхпит көһүннэ диэн олохтоохтор санаалара көтөҕүлүннэ.
Мария Аргунова