Саха сиригэр кулун тутар 3 күнүттэн 31 күнүгэр диэри “Олорор дьиэ-уот – 1-кы түһүмэх” операция биллэриллибитэ.
Тэрээһин СӨ Бырабыыталыстыбатын 2020 сыл бэс ыйын 2 күнүнээҕи 485 №-дээх дьаһалын былааныгар олоҕуран Саха Өрөспүүбүлүкэтин баһаары утарыы сулууспатын начаалынньыга Руслан Босиков 2022 с. кулун тутар 30 күнүнээҕи 966 №-дээх бирикээһинэн олохтоммута.
2025 сылга киирэн баран өрөспүүбүлүкэҕэ олунньу 23 күнүгэр диэри 66 баһаар буолбута бэлиэтэммитэ (бу кэмҥэ ааспыт сыллааҕы көрдөрүү – 94 баһаар), 7 киһи уокка былдьаммыта (ааспы сыллааҕы көрдөрүү – 7 киһи), ол иьигэр 1 оҕо (ааспыт сыллааҕы көрдөрүү – 4 оҕо), 5 киһи баһаарга араас эчэйиилэри ыллылар (ааспыт сыллааҕы көрдөрүү – 9). Бу баһаардар үгүстэрэ дьон олорор чааһынай уонна уопсай дьиэлэргэ буоллулар.
Оттон биһиги улууспутугар кулун тутарга диэри 3 баһаар бэлиэтэннэ, 2 чааһынай дьиэҕэ, 1 баанньыкка. Баһаар тахсар сүрүн төрүөттэрэ – уот ситимиттэн, биир баһаар төрүөтэ биллэ илик.
“Олорор дьиэ-уот – 1-кы түһүмэх” операция кэмигэр баһаарынай үлэһиттэрэ ыалларынан сылдьан сэрэтии үлэтин ыытыахтара, үөрэтэр-өйдөтөр сыаллаах быраабылалаах кумааҕылары түҥэтиэхтэрэ, сэрэппиттэрин туһунан сурунаалга илии баттатыахтара. Онон хаһаайыттар туһааннаах исписэлиистэртэн уот-күөс ситимэ хайдах буолуохтааҕын, оһох туох быраабылалааҕын, тугу ситэ өйдөөбөккүтүн ыйытар эбээһинэстээххит.
Баһаардар буолбаттарын туһугар, баай-дуол уокка былдьамматын туһугар уонна, саамай сүрүнэ, дьон, кырачаан оҕолор уокка былдьамматтарын туһугар уоту-күөһү туттууга болҕомтолоохтук сыһыаннаһыҥ, сэрэххитин сүтэримэҥ, кыра оҕону соҕотох хаалларан таһыттан хатаан барымаҥ диэн ыҥырабыт.
Билигин анал маҕаһыыннарга баһаар буолбутун биллэрэр батареянан үлэлиир баһаарынай извещателлэр атыыга баар буоллулар (АДПИ). Маннык тэрили атыылаһан дьиэҕитигэр туруораргытыгар сүбэлиибит.
Улуустааҕы баһаарынай сулууспа