Бу 2025 сыл тохсунньу 20 күнүттэн олунньу 20 күнүгэр диэри гаражтарга баһаар буолбатын туһугар сэрэтэр-өйдөтөр үлэ ыытылларын туһугар «Куттала суох гараж» диэн операция саҕаланан бара турар. Былырыын үс гаражка баһаар буолбутуттан икки гараж олоччу умайбыта, онно үс техника уокка былдьаммыта, биир гараж уокка улаханнык эмсэҕэлээбитэ, онно биир техника эмсэҕэлээбитэ. Ону таһынан 3 техника, айанныы сылдьан уота замыканиелаан уот туран, эмсэҕэлээбиттэрэ. Билигин операция чэрчитинэн баһаарынай үлэһиттэрэ чааһынай ыалларга, тэрилтэлэргэ сылдьан гаражка уокка-күөскэ сэрэхтээх буолалларын туһугар сэрэтии үлэтин ыыталлар.
Оһоҕунан оттуллар гараж ирдэбилэ (п.80 п.82 ППР в РФ):
- оттуллар оһох собуокка оҥоһуллубут буолара ирдэнэр;
- оһоҕу оттон баран көрүүтэ суох хаалларыы, кыра саастаах оҕоҕо оһоҕу кэтээн көрөргө сорудахтыыр көҥүллэммэт;
- оһох аанын иннигэр саайыллар 50х70 см тимир ылтаһыҥҥа туох да ууруллара көҥүллэммэт;
- оһох турар сириттэн истиэнэ 1 м 25 см буолара ирдэниллэр, тулатыгар умайар матырыйаал, убаҕас оттук ууруллара көҥүллэммэт;
- чоҕунан оттулларга көҥүлэ суох оһоххо чоҕу туһанар көҥүллэммэт;
- оһох күлүн, ону таһынан турбатын ыраастыы сылдьыллыахтаах;
- оһоҕу отторго убаҕас оттугунан күөдьүтэр көҥүллэммэт.
Гаражка умайыы тахсар түгэнигэр уоту умуруора охсорго анал тэриллэр баар буолаллара ирдэнэр ( ст. 34 ФЗ-69 от 21.12.1994 г.). Ол курдук:
- бороһуок эбэтэр углекислотнай огнетушитель;
- дьааһыктаах эбэтэр мөһөөччүктээх кумах;
- уоту умуруорар умайбат халыҥ таҥас (кошма).
Гараж уотун ситимэ ирдэбилгэ эппиэттиэхтээх (П.35 ППР в РФ):
- розетка, выключатель, удлинитель алдьаныылаах буоллаҕына саҥаҕа уларытыллыахтаах;
- электрическэй плитка, чайник умайбат олохтоох буолуохтаах;
- электрощитовой, рубильник умайбат олоххо туруохтаах, аттыгар умайар эттик 1 м иһигэр суох буолара ирдэнэр;
- уокка холбонор электрическэй прибордары кэннигититтэн араара сылдьаргытыгар;
- лаампа плафоннаах буолара ирдэниллэр.
Ону таһынан:
- арыы-сыа, убаҕас оттугунан биһиллибит гаражка өрөмүөҥҥэ кэтэр таҥас анал тимир ыскаапка ыйаныахтаах ( п. 19.ППР в РФ);
- техника уматыга быыһылаан тохтор буоллаҕына гаражка туруо суохтаах;
- өрөмүөн кэмигэр аһаҕас уоту туттуу көҥүллэммэт;
- табахтааһын, техника саппаастарын убаҕас оттугунан сууйуу көҥүллэммэт;
- гараж иһигэр техниканы заправкалааһын көҥүллэммэт;
- арыы-сыа буолбут тирээпкэни гаражка мээнэ быраҕар көҥүллэммэт;
- гараж иһигэр бензин, солярка (убаҕас оттук) тохтор түгэнигэр кумах, буор баар буолара ирдэниллэр.
Улууска гаражка баһаар буолбатын туһугар гаражтаах хаһаайыттар баһаарынай ирдэбили тутуһаргытыгар.
Баһаары утары сэрэтэр үлэ улуустааҕы салаата