Курбуһах интэринээт-дьиэтин кырдьаҕастара сайын кэлиитин үөрэ-көтө көрүстүлэр. Сылын аайы үгэс буолан ыытыллар «Байанай бэлэҕэ» аахсыйабытыгар үтүө санаалаах эр дьоммут олус көхтөөхтүк кытыннылар. Кырдьаҕастарбыт самаан сайыны көрсөр остуолларыгар тото-хана эмис куһу сыалайдыы тутан олорон сиэннэр, битэмииннээх миинин иһэннэр олуһун үөрдүлэр, астыннылар, дуоһуйдулар. Уруккуларын санаан кус уҥуоҕунан «Билэ-билэ ээ» оонньоотулар.
Үтүө санаалаах булчуттарбытыгар Валерий Васильевич, Василий Васильевич Алексеевтарга, Егор Семенович, Гаврил Семенович Аммосовтарга, Егор Егорович Аммосовка, Василий Семенович Аммосовка, Семен Егорович Аммосовка, Иннокентий Лазаревич Васильевка, Серафим Николаевич Васильевка, Олег Дмитриевич Винокуровка, Егор Васильевич Григорьевка, Егор Егорович Захаровка, Михаил Витальевич Ивановка, Степан Степанович, Тимофей Степанович Копыриннарга, Виталий Иннокентьевич Курилкиҥҥа, Валерий Николаевич, Гаврил Николаевич Макаровтарга, Николай Иванович Местниковка, Константин Константинович, Федор Константинович, Егор Константинович Нафанаиловтарга, Петр Егорович Наумовка, Владимир Владимирович Ноговицыҥҥа, Игнат Николаевич Охлопковка, Андрей Иванович Пестряковка, Семен Иванович, Семен Семенович Протопоповтарга, Никифор Андреевич Протопоповка, Константин Ростиславович Собакиҥҥа, Окоемовка КСК-тын коллективыгар, Ньукуолун остуолун силигин ситэрэн сибиэһэй сүөгэйинэн күндүлээбит Клара, Петр Егоровтар дьиэ кэргэннэригэр барҕа махталбытын ис сүрэхпититтэн тиэрдэбит!
Кырдьаҕас, кыаммат дьон үөрүүлэрин үрдэппит күндү дьоммутугар кытаанах доруобуйаны, бары үтүөнү, Баай Байанайгыт өрүү маанылыы, арчылыы сылдьарыгар баҕарабыт! Үтүө санааҕыт сүүс төгүл үтүөнэн эргийдин диэн алгыспытын аныыбыт!
Мария Винокурова. Курбуһах