Курбуһах нэһилиэгиттэн төрүттээх, билигин Бороҕоҥҥо олорор үлэ, тыыл Лукерья Пухова бүгүн 95 сааһын туолла.
Кини сааһын тухары тыа хаһаайыстыбатыгар үлэлээбитэ. Этэргэ дылы, хара үлэттэн илиитин араарбатах киһи. Билигин кыыһыгар Раисаҕа сылаастык, сымнаҕастык көрүллэн олорор.
Бу бэлиэ күнүнэн Лукерья Андреевнаны улуус баһылыга Василий Аммосов уонна Курбуһах нэһилиэгин баһылыгын солбуйааччы Николай Бурнашев дьиэтигэр тиийэн эҕэрдэлээтилэр. Кинилэр ытык киһиэхэ үтүө баҕа санааларын тиэртилэр, алгыстаах тылларынан өссө да уһуннук сүбэ-ама буола олороругар баҕардылар.
Афанасий Сектяев