Улууспут дьонун-сэргэтин үөрүүлээх күннэрин минньигэс тордунан киэргэтэр биэс оҕолоох эдэр ыал күн-күбэй ийэтэ Александра Константинова алаһа дьиэтигэр ыалдьыттаатыбыт.
Хаһаайка оҕуруота өлгөмнүк үүнэн турарын сөҕө-махтайа көрдүбүт. Сүүнэ улахан оҕурсулары быспытын оҕолор биэдэрэнэн тутан дьиэҕэ киллэрдилэр. Оттон ийэлэрэ кирээккэлэриттэн салаат от, укуруоп быһан түргэн-түргэнник туттан-хаптан салаат оҥорон уонна сөбүлүүр дьарыгын үлэ оҥостубут минньигэс тордунан күндүлээтэ.
Александра оҕуруотугар уоҕурдууну туттубатын, арай, теплицатыгар сыл аайы сибиэһэй хара буору эбэрин туһунан кэпсээтэ. Бу курдук сатабыллаах хаһаайка сайыҥҥы күнэ оҕуруотун бүөбэйдээн, ас астаан, оҕолорун бэйэ иҥэмтиэлээх аһынан күндүлүүрүттэн саҕаланар.
Мария Аргунова