Саха Өрөспүүбүлүкэтин баһаары утарыыга судаарыстыбаннай сулууспатын начаалынньыга Руслан Босиков балаҕан ыйын 29 күнүнээүи 3228 №-дээх бирикээһинэн алтынньы 5 күнүттэн сэтинньи 5 күнүгэр диэри «Безопасный гараж» эпэрээссийэ 2-с түһүмэҕэ саҕаланна.
Быйылгы сылга киирэн баран балаҕан ыйын 27 күнүгэр диэри өрсөпүүбүлүкэ үрдүнэн 468 баһаар буолла (былырыын 469 баһаар), 9 киһи уокка былдьанна (былырыын 21 киһи), ол иһигэр 1 оҕо (былырыын 3 оҕо), 248 баһаар чааһынай бас билиигэ буолла, ол курдук: 71 баһаар чааһынай дьиэҕэ, 44 баһаар уопсай дьиэҕэ, 133 баһаар гаражка, дьиэ таһыгар баар баанньыкка, онтон да атын тутууларга 60 баһаар бэлиэтэннэ.
Биһиги улууспутугар быйыл 23 баһаар бэлиэтэннэ: 5 чааһынай дьиэҕэ, 5 гаражка, 3 уопсай дьиэҕэ, 7 киһи быыһанна, 8 онтон да атын тутууларга, 2 сэтиэнэх умайыыта таҕыста. Былырыын баччаҕа, ол эбэтэр балаҕан ыйын 30 күнүгэр диэри 22 баһаар бэлиэтэммитэ.
Улууспут олохтоохторо, дьон олорор чааһынай, уопсай дьиэлэригэр уонна гаражтарга баһаардар буолбаттарын туһугар уоту-күөһү сэрэхтээхтик туттаргытыгар, уот ситимин кэмиттэн-кэмигэр көрүнэ сылдьаргытыгар, оттуллар оһох ирдэбилгэ эппиэттиирин туһугар сөптөөх оһоҕу туруорунаргытыгар, кэмиттэн-кэмигэр ыраастыы сылдьаргытыгар сүбэлиибит.
Улуустааҕы 34 №-дээх баһаарынай сулууспа
Хаартыска ИИ көмөтүнэн оҥоһулунна