Арассыыйаҕа Норуоттар сомоҕолоһууларын, Саха сиригэр Култуура, Уус Алдан улууһугар Түмсүү уонна бииргэ үлэлээһин сылларыгар анаммыт бэтэрээннэр нэһилиэктэрдээҕи Сэбиэттэрин икки ардыларыгар ыытыллар “КЭХТИБЭТ ТАЛААННАР” уус-уран самодеятельность бэстибээлэ алтынньы 14 күнүгэр Уһун Күөл бөһүөлэгэр Өнөр, Баатаҕай, 1-кы Өспөх, 2-с Лөгөй нэһилиэктэрин бэтэрээннэрин кэнсиэрдэрин көрүү ыытылынна.
Бэстибээлгэ 4 нэһилиэктэн барыта 73 аҕам саастаах олоххо көхтөөх дьоммут кытыннылар.
Кэнсиэри ыытааччылар Маргарита Мартынова (Уһун Күөл), Николай Николаев (Баатаҕай), Акулина Лукачевская (Өнөр), Любовь Дегтярева, Федот Бысыин (Тулуна) кыайа-хото тутан ыыттылар.
Бүгүҥҥү көрүүгэ лауреаттарынан буоллулар: 1-кы Өспөх нэһилиэгиттэн Николай Федоров, үңкүүһүттэр бөлөхтөрө «Кытайдыы үңкүүнэн», “Справка” сыанка, уус-уран ааҕыы; Өнөр нэһилиэгиттэн “Доҕордоһуу ырыанан” холбоһуктаах ансаамбыл, “Маңнайгы хаар” ырыаны толорбут трио; Баатаҕай нэһилиэгиттэн “Түһүлгэ үңкүүтэ”, “Баатаҕай киэһэтэ” ырыанан холбоһуктаах ансаамбыл.
Дипломаннарынан буоллулар: 1-кы Өспөх нэһилиэгиттэн “Ферма кыргыттара” ырыаны толорбут трио; Өнөр нэһилиэгиттэн Мария Лукачевская, «Узбектыы үңкүү»; 2-с Лөгөй нэһилиэгиттэн — Гаврил Сергеев, “Ким оҕотоҕунуй?” сыанка; Баатаҕайтан “Үлэ күүрдэ” ырыаны толорбут трио.
Толоруу маастарыстыбатын, маассабаһы, көстүүмү көрүү уопсай түмүгүнэн:
- 2-с Лөгөй нэһилиэгэ – 4,2;
- Баатаҕай — 4,4;
- Өнөр — 4,5;
- 1-кы Өспөх нэһилиэгэ – 4,6 бааллары ыллылар.
Кэлэр көрүү алтынньы 20 күнүгэр Бээрийэ бөһүөлэгэр буолуоҕа. Манна Түүлээх, 2-с Байаҕантай, Бээрийэ нэһилиэктэрэ кыттыахтара.
Анна Лугинова, улуустааҕы культура управлениетын кылаабынай специалиһа, дьүүллүүр сүбэ бэрэссэдээтэлэ