«Биир ньыгыл Россия» политическай партия Уус Алданнааҕы салаатын «Түмүк баар!» форумун үөрүүлээх аһыллыытыгар Уус Алдан дьаһалтатын баһылыга Василий Алексеев партия көмөтүнэн, өйөбүлүнэн бары хайысхалары хабан улууска ыытыллыбыт үлэлэри билиһиннэрдэ, саҥа чилиэннэргэ партияҕа киирбиттэрин туоһулуур билиэттэрин туттарда.
Ону тэҥэ эҕэрдэ тылы «Биир ньыгыл Россия» партия Саха сиринээҕи региональнай салаатын сэкирэтээрин солбуйааччы Иван Луцкан эттэ уонна партия Саха сиринээҕи салаатын сэкирэтээрэ, СӨ Ил Дархан Айсен Николаев махтал суругун Уус Алданнааҕы салаа дьахталларын түмсүүтүн бэрэссэдээтэлэ Евгения Аргуноваҕа, Бороҕон нэһилиэгин маҥнайгы сүһүөх салаатын сэкирэтээрэ Марсен Протопоповка туттарда. Ону сэргэ партия Саха сиринээҕи салаатын региональнай ситэриилээх кэмиттин салайааччыта Надежда Селютина махтал суругун олохтоох салаа актыбыыстарыгар Екатерина Бочкареваҕа, Егор Афанасьевка, Василий Марковка туттарда.
Салгыы СӨ Судаарыстыбаннай Мунньаҕын (Ил Түмэн) норуодунай депутата Геннадий Васильев эҕэрдэлээн, тус бэйэтин аатыттан эҕэрдэ суругу уонна спортивнай инвертарь ылалларыгар сертификаты Уус Алдан улууһун социальнай-реабилитациялыыр киинигэр уонна Орто Эбэ анал коррекционнай оскуола интэринээт үөрэнээччилэригэр, иитиллээччилэригэр анаан туттарда. Итиэннэ СӨ Ил Түмэнин бэрэссэдээтэлин бастакы солбуйааччы Александр Жирков махтал суругун Бороҕон нэһилиэгин А.Р. Халдеева аатынан тыа сирин модельнай бибилэтиэкэтин сэбиэдиссэйигэр Светлана Прудецкаяҕа, Надежда Селютина махтал суругун партия чилиэнэ, Лөгөй лицейин дириэктэригэр Михаил Пуховка туттарда.
Тэрээһиҥҥэ сарсыарда өттүгэр былаһааккаларынан ыытыллыбыт үлэ модератордара туох түмүккэ кэлбиттэрин уонна салайааччылар буолалларын быһыытынан бэйэлэрин хайысхаларынан туох үлэ, сайдыы барбытын иһитиннэрдилэр.
Түмүк тылы Уус Алдаҥҥа «Биир ньыгыл Россия» партия олохтоох салаатын төрүттээбит Иван Колодезников эттэ. Кини: «Чахчы, түмүк баар! Улууспутугар элбэх үлэ барда. Ити үлэбитин дьон-сэргэ өйдүөхтээх!» – диэтэ.
Мария АРГУНОВА