Түүлээх нэһилиэгэр Кылаайыга бэкээринэ үлэлиирин туһугар кулун тутар 25 күнүттэн муус устар 6 күнүгэр диэри электрическэй оһоҕу уонна тиэстэ мэһийэри, сөптөөх остуолу, о.д.а. туттар тэрили ыларга анаан аахсыйа биллэриллэн барыта 408 000 солкуобай харчы хомулунна.
Бу аахсыйаҕа Түүлээх нэһилиэгин олохтоохторо, өрөспүүбүлүкэ араас улуустарыгар, Дьокуускайга олохтоох биир дойдулаахтарбыт, оннооҕор олох кыра оҕо, эдэр саастарыгар бара сылдьыбыт, урут олоро сылдьыбыт дьон кыттыбыттара улахан үөрүүлээх.
Онон аахсыйаҕа кыттыспыт дьоммутугар-сэргэбитигэр истиҥ махталбытын тиэрдэбит. Ону тэҥэ биллэр көмөлөрүн иһин улахан махталбытын Парасковья Ивановна, Егор Петрович Неустроевтарга («Стройиндустрия» хампаанньа генеральнай директора), билигин ыраах акыйаан нөҥүө олорор, үлэлиир биир дойдулаахпытыгар Валерий Валентинович Бережневка, урбаан эйгэтигэр үлэлиир Туяра Ивановна Жирковаҕа (Богдашина), Варвара Касьяновна Халдееваҕа, Павел Иванович Копыриҥҥа, уолаттарбыт Андрей Васильевич Стрекаловскайга, Семен Викторович Винокуровка, Прокопий Гаврильевич Ушницкайга; Иван Афанасьевич Васильевка, Алена Семеновна Левинаҕа; Матрена Семеновна Афанасьеваҕа, Маргарита Васильевна Копыринаҕа, Михаил Михайлович Тарскайга, Евгений Васильевич Бережневка, Егор Владимирович Бережневка тиэрдэбит. Ону таһынан бэрт элбэх киһи 2-лии тыһыынчаны ыыттылар. Туһунан махталы Нина Никифоровна Павлова кыыһыгар Антонина Анатольевна Ковлековаҕа ийэтин дойдутугар болҕомтотун иһин, Октябрина Михайловна Шаповаҕа (Бережнева) аҕатын дойдутугар болҕомтотун иһин этэбит.
Ону сэргэ аҕам саастаах биир дойдулаахтарбыт Ульяна Прокопьевна Чин-Фюҕа, Акулина Гаврильевна Кузьминаҕа, Раиса Егоровна Жирковаҕа, Варвара Степановна Колодезниковаҕа, Александра Николаевна, Семен Иванович Поисеевтарга ханнык да көмөттөн туора турбаттарын иһин эмиэ махтал тылларын тиэрдэбит.
Бу аахсыйа тэриллибитин истэн, Уус Алдан улууһун дьаһалтата улуус баһылыга Василий Алексеев дьаһалынан улуустан 300 000 солкуобай көмө харчы биэрдилэр. Онон холбоон 708 000 солкуобай харчы буолла.
Мантан инньэ суол баарына бэкээринэ тэрилэ барыта атыылаһыллан дойдубутугар тиийэн туруорулуннаҕына, сибиэһэй минньигэс килиэби сиир кыахха киирдибит. Бэкээринэни үлэлэтэргэ урбаанньыт Геннадий Михайлович Жирковка сөбүлэспитин иһин нэһилиэк олохтоохторун ааттарыттан эмиэ улахан махталбытын тиэрдэбит.
Надежда Громова