Космонавтика күнүн суолтатын быйыл өссө үрдэтэн, бүтүн Арассыыйа үрдүнэн РФ Президенэ В.В. Путин уурааҕынан бөдөҥ декада биллэриллибитэ. Бу хамсааһын чэрчитинэн Юрий Гагарин аһаҕас космоска көтүүтүн 65 сылын көрсө Сэһэн Ардьакыап аатынан историяны, кыраайы үөрэтэр Уус Алданнааҕы түмэлгэ «Умсулҕан» коллекционердар түмсүүлэрин салайааччыта Станислав Луковцев улахан быыстапката дьон сэҥээриитин ылла.
Кинини кытта тэҥинэн Татьяна Ильинична Алексеева уонна Галина Власьевна Дегтярева матырыйааллара тиэмэни хаҥаттылар, ситэрэн-хоторон биэрдилэр. Быыстапкаҕа значоктар, открыткалар, маркалар, сувенирдар, альбомнар турдулар.
Саамай киһи сөҕөр-махтайар матырыйаалынан летчик-космонавт, ССРС Геройа Александр Авдеев Станислав Николаевичка туһулаабыт сыанабыла буолар. Өссө Станислав Луковцевка космонавтикаҕа интэриэһи үөскэппит летчик-космонавт, ССРС Геройа Валентина Терешкова Таатта Баайаҕатын оскуолатын оҕолоругар анаан ыыппыт суруга улахан болҕомтону ылла.
Быыстапканы ыаллыы сытар улууспут Өймөкөөн делегацията (баһылык Оконешников А.С.) сөҕө-махтайа көрдө. Маны таһынан оскуола оҕолоро, нэһилиэкпит олохтоохторо ыалдьыттаатылар.
Маргарита Крылова, түмэл үлэһитэ