Уһулуччулаах Сэбиэскэй учуонай, Үлэ Геройа, космическай ракеталар конструктордара Сергей Павлович Королев аатынан ыччат эрэгийиэннэр икки ардыларынааҕы научнай ааҕыылара кулун тутар 28 күнүгэр Юрий Гагарин аатынан култуура уонна аныгы искусство киинигэр 5-c үбүлүөйдээх сылын ыытылынна.
Бу ааҕыылар Юрий Гагарин уонна Герман Титов космоска көппүттэрэ 65 сылынан, Константин Циолковскай түмэлэ 90 сылынан, үөрэх эйгэтэ 100 сылынан, Россияҕа Норуоттар сомоҕоһуулара, Саха сиригэр Култуура сылыгар аналлаах улахан тэрээһин буолла.
Бочуоттаах ыалдьыттар: Дьокуускай куорат аҕа баһылыга Евгений Григорьев, Россия Геройа летчик-космонавт Андрей Борисенко, Константин Циолковскай сиэнэ Елена Тимошенкова, Москватааҕы авиационнай институт доцена Алексей Кучейко, Саха сирин следственнэй комитетын салайааччыта Виталий Кондратенко уонна космонавтары бэлэмниир киин директора Россия Геройа, космонавт Олег Кононенко оҕолорго ситиһиилэри баҕардылар.
Талыы күрэскэ 1000-тан тахса оҕо кыттыбытыттан 395 үлэни көрдүлэр. Биэс сыл устата бырайыакка Россия Геройа буолбут аҕыс космонавт кыттыбыта оҕолор космоска интэриэстээхтэрин туоһулуур.
Бу ааҕыыларга биһиги оскуолабытыттан 6-с кылаас үөрэнээччитэ Арылхан Сысолятин уонна 8-с кылаас үөрэнээччитэ Алеша Лаптев «КОСМОЭКСПО. Космические фантазии» хайысхаҕа «Композиция. Декор» түһүмэххэ кыттан финалга тахсыбыттара.
Кулун тутар 29 күнүгэр научнай ааҕыыларга Арылхан уонна Алеша бэйэлэрин үлэлэрин билиһиннэрдилэр, дьүүллүүр сүбэ иннигэр көмүскээтилэр. Арылханы уонна кини салайааччытын Яна Ивановнаны үһүс миэстэни ылбыттарынан эҕэрдэлиибит!
Кинилэргэ салгыы ситиһиилэри, дьулууру, саҥа долгутуулаах кыайыылары баҕарабыт!
Орто Эбэ анал интернат оскуолатын «Сырдат» пресс-киинэ