Кулун тутар 18 күнүгэр Орто Эбэ анал интернат-оскуолатын базатыгар «Абилимпикс» чөмпүйэнээт регионнааҕы түһүмэҕин «Швея» уонна «Агрономия» хайысхаларыгар күрэс ыытылынна.
Манна Дьокуускай куорат, Өлүөхүмэ, Таатта уонна Уус Алдан коррекционнай оскуолаларыттан 12 оҕо кытынна. Икки сүрүн уонна тоҕус дьүүллүүр эксперт үлэлэри сыаналаатылар.
«Абилимпикс» инбэлиит уонна доруобуйаларынан хааччахтаах дьоҥҥо идэ таһымын тургутар чөмпүйэнээт Саха сиригэр 2016 сылтан ыытыллар. Быйыл кулун тутар 16-25 күннэригэр 72 хайысханан 19 былаһааккаҕа ыытылынна, барыта 493 кыттааччы 50 үөрэх тэрилтэлэриттэн күрэхтэстилэр.
Быйылгы чөмпүйэнээккэ 20 саҥа хайысха эбии киирдэ: «Повар-сушист», «Вожатый», «Агрономия», «Инструктор по адаптивной физической культуре» уо.д.а.
Чөмпүйэнээт сүүмэрдиир күрэхтэһиитин кыайыылаахтарын чиэстээһин кулун тутар 25 күнүгэр Дьокуускайга Гагарин аатынан култуура дыбарыаһыгар буолла.
Ыытыллыбыт чөмпүйэнээккэ оҕолорбут ситиһиилэрэ
- «Агрономия» (салайааччы Гоголева Лена Дмитриевна):
1 м. – Софронов Азамат, 10 кылаас үөрэнээччитэ;
2 м. – Алексеева Ньургустаана, 10 кылаас үөрэнээччитэ;
3 м. – Лаптев Алеша, 8 кылаас үөрэнээччитэ. - «Швея» (салайааччы Местникова Мавра Петровна):
2 м. – Алексеева Карина, 9 кылаас үөрэнээччитэ. - «Мастерство по приготовления пиццы» (салайааччы Терентьева Яна Ивановна):
2 м. – Турантаев Тима, 8 кылаас үөрэнээччитэ. - «Бисероплетение» (салайааччы Артамонова Анна Васильевна):
2 м. – Попова Виалетта, 8 кылаас үөрэнээччитэ. - «Ресторанный сервис» (салайааччы Олесова Антонина Петровна):
3 м. – Турантаев Виталий, 9 кылаас үөрэнээччитэ.
Уопсай түмүккэ оскуолалар икки ардыларыгар мэтээл ахсаанынан 5 бастыҥ кэккэтигэр киирдибит. Кыайыылаах оҕолор салгыы Саха сирин көмүскүү Уһук Илиҥҥи уокурукка күрэхтэһэ бараллар.
Үөрэнээччилэрбитин, салайааччыларын кыайыыларынан истиҥник эҕэрдэлиибит! Инникитин даҕаны кыайыылар, ситиһиилэр кэлэ турдуннар!
Орто Эбэ анал интернат оскуолатын «Сырдат» пресс-киинэ