Киһи аймах тылынан уус-уран айымньыта Олонхо шедевр буолбута 20 сылынан Арктикатааҕы эпос уонна култуура киинэ Уус Алдан улууһун култуурунай нэһилиэстибэтин документальнай киинэҕэ уһулла.
Устар бөлөҕү «Олоҥхо Дьиэтэ» этнокултуурунай киин таһыгар сахалыы сонноох далбар хотуттарбыт эҕэрдэлии көрүстүлэр, саха боруодата оҕустаах Афанасий Бурцев-Бөскөй Бөҕө олоҥхолоон онолутта, дьиэҕэ саха сиэринэн арчылаан, арыылаах алаадьынан, саламаатынан айах туттубут.
Салгыы кыстык кэмҥэ үктэммиппитинэн Айаал Аргунов алгыс түһэрдэ уонна уус алданныы оһуохайы Кондратий Герасимов таһааран унаарытта. Тарбаҕар талааннаах маастардарбыт бастыҥ үлэлэрин быыстапката турда, маастардар үлэлэрин сырдаттылар. Олоҥхону, фольклору чинчийээччи, СӨ култууратын үтүөлээх үлэһитэ Мария Захаровна Сивцева өр сыллаах үлэтин кэпсээтэ. Тулуна орто оскуолатын 5-с кылааһын үөрэнээччилэрэ «Түһүлгэ» бөлөх (сал. Т.И. Дегтярева), Ил Дархан стипендиата Арсен Иванов (сал. Охлопкова И.Ф.) олоҥхоҕо дьарыктарын уонна толорууларын көрдөрдүлэр. Олоҥхо Дьиэтин коллектива куукуланан испиктээги бэлэмнэниитэ, дьиэтэ-уота, үлэтэ-хамнаһа уһулунна.
Үйэлээх киинэҕэ уһуллууга күүс-көмө, тирэх буолбут бар дьоммутугар-сэргэбитигэр махталбытын биллэрэбит.
Елизавета Данилова, «Олоҥхо Дьиэтэ» этнокултуурунай киин уус-уран салайааччыта