Эһигини Аҕам саастаахтар аан дойдутааҕы күннэринэн улуус дьаһалтатын, улуус мунньаҕын депутаттарын Сэбиэтин уонна тус бэйэм ааппыттан ис сүрэхтэн итиитик-истиҥник эҕэрдэлиибин!
Бу бэлиэ күн аҕа көлүөнэ дьоммутугар күннэтэ ахсаабат болҕомто, истиҥ кыһамньы уурарбытын санатар ытык күн буолар.
Эһиги олох араас кэмнэригэр туохтан да толлубакка үлэлээн-хамсаан, оттоон-мастаан уйгулаах олоҕу бигэтик тутан кэлбиккит, олоххо баай көрүүгүт, үөрүйэххит, санааҕыт күүһэ биһиэхэ куруук холобур буолар.
Күн бүгүн убаастыыр дьоммут улуус общественнай олоҕор актыыбынайдык кытталлар. Ол курдук бэтэрээннэр Сэбиэттэрин иһинэн түмсүүлэргэ, Үһүс саас оскуолатыгар айар-тутар араас куруһуоктарга дьарыктанан дойду тас өттүгэр тиийэ ситиһиилээхтик кытталлар. Саха норуотун үтүө үгэстэрин, дьарыктарын, тылын-өһүн кэнчээри ыччакка иҥэрэн, улуус сайдыытыгар сүбэ-ама буолан, бэйэҕит кылааккытын киллэрсэргит иһин махтанабыт.
Ытык-мааны аҕам саастаах дьоммутугар кытаанах доруобуйаны, ытык саас көмүс ыллыгын устун оҕолоргут, сиэннэргит ситиһиилэринэн кынаттанан уһуннук, дьоллоохтук олороргутугар баҕарабыт!
Уус Алдан улууһун баһылыга Василий Алексеев