Киһи хараҕар көстүбэт чараас эйгэҕэ тымныы киһини ыраастыыр эбит. Тыйыс, уһун тымныы өссө ордук. Ону мөҕүттүбэккэ, утарыласпакка ылыныахха эрэ наада. Ичигэстик таҥнан, тымныы эйгэтигэр киирэбит. Кыһынын көстүбэт эйгэҕэ сиргэ мунньуллубут хара эниэргийэ тоҥон хаалар. Ол киргэ-хоххо ханыылаһар. Киртийбит мал-сал кирин-хоҕун аала-аала сууйар курдук, тымныынан эмиэ ыраастаныахха сөп эбит. Олус үчүгэй ньыма.
Кыһыны уонна күүстээх тыйыс тымныыны киһи хайдах баарынан ылынан, айылҕаны кытта сөбүлэһэн, ону тэҥэ бэйэтин кытта эмиэ сөпсөһөн олоруохтаах. Кыһынын кэтэр таҥаһы, утуйар таҥаһы, суорҕаны таһырдьа таһааран салгылатыллыахтаах. Оннукка быыла эрэ буолбакка, таҥас иҥэриммит энергетическэй кирэ-хоҕо барыта ыраастанар.
Тымныы бэйэтигэр элбэх үөрэҕи, чараас эниэргийэни илдьэ сылдьар. Онон биһиги, сирдээҕи дьон, тымныыны бэйэбититтэн тэйиппэккэ, биир тэтимҥэ киирэн, тэҥҥэ үлэлэһиэхтээхпит.
Тымныыны кытта эҥээрдэспит дьон уһун үйэлэнэллэр, доруобай буолаллар. Тымныынан эмтэнии ньыматын тарҕаппыт Порфирий Иванов »киһи доруобуйатыгар аччык буолуу, тымныы уонна хамсаныы наада» диэн мээнэҕэ эппэтэҕэ.
Тымныыга киһи эниэргийэтин сүүрээнэ атыннык үлэлиир. Ылсыы-бэрсии түргэнник барар. Ол иһин дьайыыта быдан үрдүк буолар.
Сахабыт сиригэр саха буолан төрөөбүт дьоллоох дьоммут. Тымныыттан астыныы, дуоһуйуу ылан, тыйыс тымныыбыт ыраастыыр күүһүн туһанан, олохпутун тупсарар кыахтаахпытын өйдүөҕүҥ.
Интэриниэттэн.