Бүгүн үөрэх үлэһиттэригэр аналлаах биир бэлиэ тэрээһин буолла, саҥа психологическай педагогическай көмө киинэ арылынна. Манна улуус салалтатыттан , ону тэҥэ оскуолалар дириэктэрдэрэ, уһуйааннар сэбиэдиссэйдэрэ, араас тэрилтэлэртэн кэлэн кыттыыны ыллылар.
Саҥа тэрилтэ үөрүүлээх тэрээһинин арыйар, үлэлиир хоһугар киириигэ аалай лиэнтэни улуус баһылыгын солбуйааччы Анатолий Сторожев, үөрэх салаатын салайааччыта Степан Литвинцев, өрөспүүбүлүкэтээҕи психологическай методическай киинин дириэктэрэ Константин Чичигинаров, саҥа киин салайааччыта Мираида Стрекаловская кырыйан үөрүүлээх түгэни саҕалаатылар.
Бу киин уйулҕаны эрэ өйүүр буолбакка, педагогическай буоларын быһыытынан үөрэтэр курстары эмиэ ыытыа диэтилэр. Киин олох ыарахан түгэннэригэр түбэспит, анал байыаннай дьайыы кыттыылаахтарын дьиэ кэргэттэригэр, инбэлиит оҕолорго ордук көмөлөөх буолара этилиннэ. Билигин олох араас өрүттэригэр сыстан ыарахаттар тэҥҥэ кэлиилэрэ кимнээҕи көстүү курдук буолла. Ол иһин маннык өйөбүл кииннэрэ баар буолууларын дойду салалтата ылыммытын туһунан Константин Чичигинаров ахтан аһарда.
Киин үлэтэ ситиһиилээх буоларыгар элбэх баҕа санаа этилиннэ.
Афанасий Сектяев