Балаҕан ыйын 19 күнүгэр И.С. Портнягин аатынан Сыырдаах орто оскуолатыгар «Көмүс күһүн» оскуола үөрэнээччилэригэр аналлаах тэрээһин буолан ааста. Бу тэрээһини оскуолабытыгар иккис сылын үлэлиир эдэркээн үлэһит, иитэр үлэҕэ дириэктэр сүбэһитэ Степанова Марианна Петровна иилээн-саҕалаан ыытта. Манна кылаастар икки ардыларыгар сүһүөҕүнэн арааран: «Лучший авангард», «Урожай в банке», «Осенняя фантазия», «Осенняя кухня», «Шляпка осени», «Самый экзотический овощ», «Лучший торговый ряд», «Самый прибыльный класс» күрэстэр ыытылыннылар. Ону тэҥэ, «Күһүҥҥү киһи күлбүтүнэн» атыы дьаарбаҥката буолан ааста.
Ардахтаах да күн буоллар нэһилиэк олохтоохторо син да кэлэ сатаабыттар. Төрөппүттэр сылтан сыл аайы ордук санааларын, кыһамньыларын ууран туран үлэлэспиттэрэ көстөр, быйылгы тэрээһиҥҥэ дьиэ көтөрүгэр, куска-хааска тиийэ көһөрөн аҕалбыттар. Түмүккэ, сүһүөҕүнэн арааран төрөппүттэртэн, общественностан, оскуола үлэһиттэриттэн турар дьүүллүүр сүбэ бары кылаастарга анал ааттары иҥэрдэ, мэтээл, добун сурук туттарда уонна бирииһинэн наҕараадалаата.
Ити курдук, олус көхтөөх күрэстэринэн тэрээһин үрдүк таһымҥа ыытылынна. Кыттыыны ылбыт бука бары төрөппүттэрбитигэр, дьүүллүүр сүбэҕэ үлэлээбит дьоммутугар, ол курдук, алын сүһүөххэ: Ширяева О.Г., Олесова С.Г., Бурцева А.Г., орто сүһүөххэ: Парникова П.Е., Москвитина Т.Е., Копырина А.А., үрдүкү сүһүөххэ: Колодезникова С.В., Копырина А.А., Васильева А.И., оскуола салалтатын аатыттан махталбытын тиэрдэбит. Инникитин даҕаны оскуола оҕону иитэр үлэтигэр бэйэҕит кылааккытын киллэрсэ туруоххут диэн эрэнэбит. Эдэр үлэһит Марианна Петровна ыытар тэрээһиннэрэ өссө да сайдан истин, тубустар тубустун,чэчирии турдун диэн баҕа санаабытын этэбит.
Ньургуяна Хорунова, иитэр үлэҕэ дириэктэри солбуйааччы