Соторутааҕыта Россия педагогтара Патриарх Кириллы кытта көрсүһүүлэригэр Уус Алдантан Наталья Гаврильевна Турантаева кыттан, РФ Үөрэҕин миниистирэ Сергей Кравцовка тыа сирин оскуолатын кыһалҕатын көтөхпүтүн туһунан сырдатан турабыт. Кини салайар Уһун Күөл оскуолата бүтүн нэһилиэк ыччатын патриотическай иитиигэ сүрүн тирэх буолар.
Дойдуга тапталы иитэр уйа
Уһун Күөл оскуолата Н.Н.Оллонов аатын сүгэр. Оскуола оҕоҕо үөрэх сүрүн бырагырааматын таһынан төрөөбүт дойдуга, төрүт үгэскэ, устуоруйаҕа ытыктабылы иҥэрэр. Оскуола үөрэх аныгы технологиятын сэргэ төрүт үгэһи сатабыллаахтык дьүөрэлиир. Кэлэктиип патриотическай иитиигэ ситиһиитэ кини үрдүк статуһун көрдөрөр. Үөрэнээччилэр оскуола түмэлин куонкурустарыгар, бэл, федеральнай таһымҥа көхтөөхтүк кытталлар. Онуоха оскуола иһинэн үлэлиир патриотическай хайысхаҕа туһуламмыт кылаастар үлэлэрэ оруолаах. Кинилэр нөҥүө таһымнаах патриотическай бырайыактар оҥоһуллаллар.
Нэһилиэк сайдыытыгар оруола
Нэһилиэк сайдыыта оскуола үлэтин кытта быһаччы ситимнээх. Итиннэ нэһилиэнньэ каадырынан хааччыллар, ыччакка тиэрдиллэр төрүт үгэс олохтонор. Оскуола оҕо, ыччат хамсааһынын киинэ буолан, хас биирдии үөрэнээччи лиичинэс быһыытынан сайдыытыгар сөптөөх усулуобуйаны тэрийэр.
“Патриот” ыччат киинин кытта ситимэ
Ыччакка патриотическай иитиини иҥэриигэ “Патриот” ыччат киинин кытта бииргэ үлэлэһии улахан оруоллаах. Куолаан үлэлэһии түмүгэр үөрэх бырайыактара олоххо киирэллэр, үөрэнээччилэр айар көҕүлээһиннэрэ өйөнөр.
Сайдыы кэскилэ
Оскуола тутуһар кэскиллээх үлэтэ патриотическай иитиини бөҕөргөтүүгэ, үөрэх аныгы эйгэтин тэрийиигэ туһуланар. Эбии үөрэхтээһин систиэмэтин сайыннарыы былааннанар, үрдүк үөрэх кыһаларын кытта ситим күүһүрэр, үөрэнээччилэр кыахтарын туһаналларыгар көмө оҥоһуллар.
Өрөспүүбүлүкэ салалтатын өйөбүлэ
Ахсынньы 15 күнүгэр Дьокуускайга “Патриот” киини арыйыыга Ил Дархан Айсен Сергеевич Николаевы кытта көрсүһүү патриотическай иитиигэ, үөрэхтээһиҥҥэ туһуламмыт көҕүлээһин өйөнөрүгэр эрэли иҥэрэр. Уһун Күөл оскуолатын дьиэтэ аныгы оскуола ирдиир таһымыгар эппиэттээбэтэ күн бүгүн сүрүн кыһалҕа буолар. Кини үлэтин сүрүн сыала-соруга нэһилиэк эрэ буолбакка, бүтүн өрөспүүбүлүкэ олоҕор, сайдыытыгар улахан суолталааҕын өрөспүүбүлүкэ салалтата үчүгэйдик өйдүүр. Оскуола педагогическай кэлэктиибэ, үөрэнээччилэр үөрэххэ ситиһиилэрэ, олоххо көхтөөх сыһыаннара салгыы сайдарга сүрүн тирэх буолаллар.
Россия таһымнаах мунньахха улахан болҕомтону ылбыт бастыҥ үлэлээх оскуола сайдар саҕахха тахсарга кэскиллээх этиилэри киллэрэр, дьоһун сүбэ буолар дьоҥҥо аана аһаҕас.
Билсэр төлөпүөн: 89248665810
Email: turantaeva83@yandex.ru
Аадырыһа: 678369, Саха Өрөспүүбүлүкэтэ, Уһун Күөл с. Н.И. Оллонов уул, 18 дьиэтэ.