Нэһилиэктэргэ мобильнай интернет туруорарга ааспыт сыл алтынньы-сэтинньи ыйдарыгар «Госуслуги» портал нөҥүө куоластааһын буолбута. Манна уон иһигэр киирдэххинэ, сибээс киирэр диэн усулуобуйалаах этэ.
Нэһилиэк дьоно барыта турунан, биир дойдулаахтарбытын куоластааһыҥҥа ыҥыран түүлээхтэр иккис миэстэҕэ тахсыбыппыт. Онон быйыл тохсунньу 21 күнүттэн бэдэрээччит «Сахаспецсервис» ХЭТ үлэһиттэрэ Ариан Макаров, Иван Птицын кэлэн үлэлии сылдьаллар.
Уолаттар түүннэри үлэлээн бэҕэһээ киэһэ 6 чаас ааһыыта 4G интернеппит холбонно. Нэһилиэк дьоно үөрүүлэрэ, махталлара муҥура суох.
Туяра Ушницкая, уопсас. кэрэсп.