Бүгүн Курбуһахтааҕы кырдьаҕастар уонна инбэлииттэр интернат дьиэлэригэр Аҕам саастаахтар аан дойдутааҕы күннэринэн чэрчитинэн социальнай десант тэрээһинэ буолла.
Улуустааҕы ыччаты уонна дьиэ кэргэни өйүүр социальнай-психологическай киин уйулҕаһыттара ис туругу бөҕөргөтүүгэ, бэйэ уйулҕатын харыстаныыга уруһуйунан, дьүһүннэрин психологическай дьарык Таисия Базарова – киин психолога, Саргылаана Никитина – киин салайааччыта, психолог ыыттылар. Улуус волонтердара тикпит танастарын, оҥоһуктарын быыстапкатын туруордулар. Туойунан оҥорууга маастар-кылааһы волонтер Оксана Тарская тэрийэн кырдьаҕастары үөртэ, бэйэ илиилэринэн туойунан оҥорбут харысхаллары кырдьаҕастар алҕаан анал байыаннай дьайыыга сылдьар уолаттарга туттаран ыыттылар.
Барыта 50 аҕа саастаах кыттыыны ылан, үөрдүлэр, астыннылар. Бу десант айаныгар массыынанан хааччыйбыт Уус Алданнааҕы нэһилиэнньэ социальнай көмүскэлгэ кэлим киинигэр (сал. Иннокентий Сергеев) уонна тэрийэн ыыппыт улуус дьаһалтатын социальнай уонна ыччат политикатыгар салаатыгар махталбытын тиэрдэбит.
Елена Гуляева, интернат-дьиэ социальнай үлэһитэ