РФ Президенэ Владимир Путин 2025 сыл муус устар 1 күнүгэр тахсыбыт 197 №-дээх уурааҕынан сыл ахсын кулун тутар 2 күнүгэр Россияҕа Наставник күнэ бэлиэтэнэр.
Бүгүн Дьокуускай куоракка Ил Дархан Айсен Николаев наставник быһыытынан өр сыллаах уонна көдьүүстээх үлэтин, бэйэ уопутун, сатабылын үгүс ыччакка иҥэрбит үтүө өҥөлөрүн иһин Сахабыт сирин тоҕус олохтооҕор «Саха Республикатын бочуоттаах наставнига» бэлиэни үөрүүлээх быһыыга-майгыга туттардылар.
Олор истэригэр бу үрдүк бэлиэнэн күөн туттар биир дойдулаахпыт РСФСР уонна Саха АССР култууратын үтүөлээх үлэһитэ, «Кэнчээри» Россия үтүөлээх оҕо ырыа-үҥкүү норуодунай кэлэктиибин төрүттээччи, салайааччы Василий Парников наҕараадаланна.
Мария Аргунова