Бүгүн Бороҕоннооҕу оҕо ускуустубатын оскуолата «Дьиэ кэргэн» федеральнай национальнай бырайыагынан материальнай-техническэй базатын хаҥаппытын, тупсарбытын үөрүүлээх быһыыга-майгыга бэлиэтээтэ.
Оскуола дойдубут президенэ Владимир Путин көҕүлээбит бырайыагар кыттан, барыта 3 мөлүйүөн 179 тыһыынча солкуобайтан тахса суумалаах субсидияны ситиһэн, оскуола күн бүгүн фортепианоттан саҕалаан флейтаҕа тиийэ музыкальнай инструменнарынан, компьютернай кылааһынан, үөрэххэ туттар пособиеларынан, гаджеттарынан хааччыллан үөрүүтэ, махтала муҥура суох.
Тэрээһиҥҥэ саҥа саҥа үктэли дабайбыт оскуола аалай лиэнтэтин музыкаҕа салаатын туйгун үөрэнээччитэ Семен Москвитин, Уус Алдан улууһун бэрэстэбиитэллээх уорганын бэрэссэдээтэлэ, “Биир ньыгыл Россия” политическай баартыйа улуустааҕы салаатын сэкиритээрин эбээһинэһин толорооччу Иннокентий Аммосов, култуура улуустааҕы салалтатын начаалынньыга Эльза Киренская, үөрэх чааһыгар оскуола дириэктэрин солбуйааччы Саргылана Бурцева быстылар. Эҕэрдэ тылы Иннокентий Аммосов, Эльза Киренская, оскуола бастакы байаан кылааһын выпускнига, РФ доруобуйа харыстабылын үтүөлээх үлэһитэ, СӨ үтүөлээх бырааһа Иван Бурнашев эттилэр. Үөрүүлээх күҥҥэ оскуола преподавателэ Станислав Луковцев суруйбут “Дьоҕур, талаан кыһата” диэн музыка оскуолаларын гимн ырыатын оркестр толоруутугар доҕуһуоллатан толордулар.
Тэрээһин иккис чааһа ускуустуба оскуолатыгар быйыл саҥа үктэммит үөрэнээччиллэргэ ананна. Бу үөрүүлээх күн оскуола үөрэнээччилэрин ырыатынан-үҥкүүтүнэн киэркэйдэ.
Мария АРГУНОВА