Бүгүн улууспут оҕолоругар Саха Республикатыгар биллэриллибит Култуура сылын арыйар дьоро күн. Ону тэҥэ быйыл дойдубутугар биллэриллибит Россия норуоттарын сомоҕоһууларын сылын, улууска Түмсүү уонна бииргэ үлэлээһин сылын чэрчитинэн улууспут киинигэр «Тыйаатыр уонна оҕо»диэн оскуола тыйаатырдарын түмсүүлэрин күрэһэ «Тойон Мүрү»култуура дыбарыаһыгар сүүһүнэн оҕону түмтэ.
Улууспут 21 оскуолатыттан барыта 312 оҕо кыттынна. Дьүүллүүр сүбэ 12 инсценировканы, икки олоҥхону, биэс куукула тыйаатыры, 12 уус-уран ааҕыыны, алта муода тыйаатырын, барыта 38 нүөмэри көрдүлэр-иһиттилэр.
Мантан киэһэ улууспут оҕолоругар Саха Республикатыгар биллэриллибит Култуура сылын арыйар үөрүүлээх тэрээһинэ уонна тыйаатыр күрэһин галаҕа киирбит нүөмэрдэри көрүү киэһэтэ буолуоҕа.
Мария АРГУНОВА