Култуура үлэһиттэрин ааспыт 2025 сылы түмүктүүр, өрөспүүбүлүкэҕэ биллэриллибит Култуура сылын арыйар үөрүүлээх тэрээһиннэрэ бэҕэһээ, олунньу 5 күнүгэр, ыытылынна.
Тэрээһиҥҥэ улуус баһылыга Василий Алексеев кыттан, айымньылаах үлэлэригэр ситиһиилэри уонна Россияҕа Сомоҕолоһуу, өрөспүүбүлүкэҕэ Култуура, улууска Түмсүү уонна бииргэ үлэлээһин сылларыгар туруоруллубут соруктары үрдүк тэрээһиннээхтик ыыталларыгар баҕарда, итиэннэ улууска култуура сайдыытыгар кылааттарын киллэрсибит үлэһиттэргэ наҕараадалары, махтал суруктары туттарда.
Бу күн долгутуулаах чааһынан ааспыт сыл түмүгүнэн култуура эйгэтин бастыҥ көрдөрүүлээх үлэһиттэригэр “КҮН ЭЙГЭ” бириэмийэни туттарыы буолла.
Лауреаттар: Тумуллааҕы “Түмсүү” норуот айымньытын киинин методиһа Татьяна Габышева, 1-кы №-дээх Баатаҕайдааҕы сельскэй библиотека филиалын сэбиэдиссэйэ Августина Пермякова, Бээрийэтээҕи 6-с №-дээх сельскэй библиотека филиалын сэбиэдиссэйэ Туяра Никифорова, И.И. Артамонов аатынан Найахы сынньалаҥ киинин уус-уран салайааччыта Анисия Гаврильева, П.Н. Гоголев аатынан Хомустаах сынньалаҥ киинин сэбиэдиссэйэ Анна Бечеканова, В.В. Никифоров-Күлүмнүүр аатынан “Тойон Мүрү” култуура дыбарыаһын уус-уран салайааччыта Валентина Варламова, В.Д. Лонгинов аатынан Тандатааҕы норуот айымньытын киинин техническэй үлэһитэ Миралюба Старостина, улуустааҕы культура управлениетын харабыл-вахтера Александр Егоров, Уһун Күөллээҕи “Аргыс” сынньалаҥ киинин директора Иннокентий Борисов, Сэһэн Ардьакыап аатынан историяны, кыраайы үөрэтэр улуустааҕы түмэл фондатын электроннай базаҕа киллэрии редактора Денис Пухов.
Улуус дьаһалтатын пресс-сулууспатын матырыйаалларынан