2025 сыл Россияҕа Аҕа дойдуну көмүскээччи сылынан биллэрилиннэ, СӨ – Аҕа дойдуну көмүскээччи сыла. Быйыл Улуу Кыайыы 80 сылын бэлиэтэхпит. Итини таһынан Уус Алдан оройуона төрүттэммитэ 95 сыла (1930), улууска эмп тэрилтэтэ төрүттэммитэ 125 сыла (1900), улуус хаһыата тэриллибитэ 90 сыла (1935), Мүрү нэһилиэгэ төрүттэммитэ 65 сыла (1960), МТС тэриллибитэ 90 сыла (1935).
Тохсунньу
1 – Уус Алдан улууһун, Мүрү, Найахы нэһилиэктэрин бочуоттаах гражданина, үлэ, тыыл бэтэрээнэ, Сталин аатынан, «Коммунизм» холкуостарга, Госбаан салаатыгар, оройуон типографиятыгар кылаабынай бухгалтер, Госстатистика инспиэктэрэ, улуус бэтэрээннэрин сэбиэтин секретара, «Ученица Мессинга», «Үрүҥ күн» уус уран киинэлэргэ оонньообут Мария Егоровна Фомина төрөөбүтэ 95 сааһа.
1 – СӨ үөрэҕириитин туйгуна, Баатаҕай нэһилиэгин бочуоттаах олохтооҕо, Н.Н. Тарскай аатынан Спортивнай албан аат түмэлин тэрийээччи Ксения Иннокентьевна Румянцева 75 сааһа (1950).
4 – Өспөх нэһилиэгиттэн төрүттээх, РФ уонна Саха АССР үтүөлээх архитектора, РФ Судаарыстыбаннай бириэмийэтин лауреата Николай Иннокентьевич Румянцев 80 сааһа (1945).
6 – бастакы идэтийбит суруналыыс Мария Гаврильевна Бурцева төрөөбүтэ 115 сыла (1910-1946)
Олунньу
10 – Үлэ Албан Аата уордьан II, III степенин кавалера, Саха АССР Үрдүкү Сэбиэтин VII ыҥырыытын дьокутаата Татьяна Егоровна Фомина төрөөбүтэ 85 сыла.
15 – Социалистическай Үлэ Дьоруойа, Саха АССР норуотун хаһаайыстыбатын үтүөлээх үлэһитэ, Уус Алдан улууһун бочуоттаах олохтооҕо, Партизан Заболоцкай аатынан сопхуос ыанньыксыта Анастасия Семеновна Копырина төрөөбүтэ 95 сыла (1930-2007).
Кулун тутар
5 – II Лөгөй нэһилиэгиттэн төрүттээх, уопсастыбаннай-бэлитиичэскэй диэйэтэл, юрист, литературнай кириитик, Сахалар Сэбиэттэрин I, II, III, IV сийиэстэрин дэлэгээтэ, II, III, IV, V сийиэстэргэ Саха сирин Киин Ситэриилээх Кэмитиэтин чилиэнэ Василий Никанорович Леонтьев төрөөбүтэ 130 сыла (1895-1932).
8 – ССРС, РФ норуотун үөрэхтээһинин туйгуна, методист-учуутал, педагогическай үлэ бэтэрээнэ улуус түмэлин Спортивнай Албан Аат саалатын төрүттээччи, СӨ спордун маастара, ХХ үйэ спорка лауреата, Уус Алдан улууһун бочуоттаах олохтооҕо Иван Михайлович Жирков төрөөбүтэ 85 сыла (1940-2021).
10 – Саха АССР үтүөлээх учуутала, музеевед, этнопедагог, фольклорист, олоҥхоһут, тойуксут Петр Васильевич Оҕотоойоп төрөөбүтэ 115 сыла.
17 – СӨ норуотун маастара, Бээрийэ нэһилиэгин бочуоттаах олохтооҕо Евдокия Васильевна Васильева төрөөбүтэ 85 сыла (1940-2019).
21 – Хоро нэһилиэгиттэн төрүттээх худуоһунньук, Аҕа дойду Улуу сэриитин кыттыылааҕа, Саха АССР худуоһунньуктарын Сойууһун бырабылыанньатын бэрэссэдээтэлэ (1948-1953), РСФСР Худфондатын Саха сиринээҕи отделениетын дириэктэрэ (1953-1955), ССРС худуоһунньуктарын Сойууһун чилиэнэ Евграф Михайлович Крылов төрөөбүтэ 110 сыла (1915-1974).
27 – Саха АССР үтүөлээх тренерэ, ХХ үйэ спорка лауреата Гаврил Гаврильевич Сивцев 85 сааһа.
31 – Саха АССР Үрдүкү Сэбиэтин IХ ыҥырыытын дьокутата, “Октябрь” холкуос электросварщига Наталья Васильевна Горохова 75 сааһа.
Муус устар
3 – СӨ норуотун хаһаайыстыбатын үтүөлээх үлэһитэ, СӨ Ытык Сүбэтин чилиэнэ, Уус Алдан улууһун баһылыга (202-2008), Уус Алдан, Горнай улуустарын бочуоттаах олохтооҕо Иннокентий Васильевич Бочкарев 75 сааһа.
10 – СӨ норуотун хаһаайыстыбатын үтүөлээх үлэһитэ, ССКП Уус Алданнааҕы кэмитиэтин II сэкирэтээринэн үлэлээбит, Уус Алдан улууһун, Баатаҕай нэһилиэгин бочуоттаах олохтооҕо Денис Алексеевич Ефимов төрөөбүтэ 90 сыла (1935-2018).
25 – Саха АССР норуотун хаһаайыстыбатын үтүөлээх үлэһитэ, Саха АССР Үрдүкү Сэбиэтин XII ыҥырыытын, Ил Түмэн I ыҥырыытын дьокутаата, Уус Алдан, Үөһээ Дьааҥы, Эдьигээн улуустарын бочуоттаах олохтооҕо Николай Михайлович Винокуров төрөөбүтэ 90 сыла (1935-2005).
30 – Өспөх нэһилиэгиттэн төрүттээх Саха АССР Үрдүкү Сэбиэтин IХ ыҥырыытын дьокутаата, Ньурба улууһун бочуоттах олохтооҕо Анатолий Лаврентьевич Дохтуров төрөөбүтэ 100 сыла (1925-2004).
Ыам ыйа
3 – РФ норуотун үөрэҕириитин туйгуна, СӨ үөрэҕириитин үтүөлээх үлэһитэ Егор Константинович Васильев 80 сааһа.
9 – РСФСР норуотун үөрэҕириитин туйгуна, ССРС спордун маастарыгар кандидат, СӨ спордудун маастара Февронья Константиновна Давыдова 80 сааһа.
12 – СӨ норуотун хаһаайыстыбатын үтүөлээх үлэһитэ, Уус Алдан улууһун бочуоттаах олохтооҕо, Аҕа дойду Улуу сэриитин бэтэрээнэ, кыраайы үөрэтээччи Николай Алексеевич Орлов төрөөбүтэ 100 сыла (1925-2009).
25 – РФ уонна Саха АССР култууратын үтүөлээх үлэһитэ, ССРС култууратын туйгуна, ССРС, РСФСР, СӨ үөрэҕириитин туйгуна, Россия суруналыыстарын Сойууһун чилиэнэ, Уус Алдан улууһун, Найахы, Мүрү нэһилиэктэрин бочуоттаах олохтооҕо, РФ бочуоттаах олохтооҕо, хормейстер, новатор-педагог, Саха комсомолун бириэмийэтин лауреата, оҕо образцовай «Кэнчээри» ансаамбылын тэрийээччитэ уонна салайааччыта Василий Степанович Парников 80 сааһа.
Бэс ыйа
7 – Саха сирин дьахталларын XVIII, IX, X сийиэстэрин дэлэгээтэ, РСФСР норуотун үөрэҕириитин туйгуна, «Россия дьахталларын Сойууһа» уонна Софья Сидорова анал бэлиэлэрдээх, уһун сылларга улуус дьахталларын Сэбиэтин салайбыт, «Ньургуһун» оҕо саадын сэбиэдиссэйинэн үлэлээбит Елена Дмитриевна Окоемова төрөөбүтэ 90 сыла (1935-2021)
14 – CӨ култууратын үтүөлээх үлэһитэ, Уус Алдан улууһун бочуоттаах олохтооҕо, Саха сиринээҕи эстрада государственнай тыйаатырын дириэктэринэн үлэлээбит Василий Васильевич Филиппов төрөөбүтэ 75 сыла.
30 – Курбуһах нэһилиэгиттэн төрүттээх Саха АССР култууратын үтүөлээх үлэһитэ, РСФСР норуотун үөрэҕириитин туйгуна, өрөспүүбүлүкэтээҕи «Билии» уопсастыба бэрэссэдээтэлинэн үлэлээбит, Кэбээйи улууһун үөрэҕин салаатын салайааччытынан үлэлээбит, Кэбээйи улууһун бочуоттаах олохтооҕо Михаил Николаевич Винокуров төрөөбүтэ 95 сыла (1930-2002).
От ыйа
15 – Чараҥай оскуолатын учуутала, Танда сэттэ кылаастаах оскуолатын дириэктэрэ, Саха АССР Үрдүкү Сэбиэтин IV ыҥырыытын дьокутаата Елена Гаврильевна Троева төрөөбүтэ 100 cыла.
17 – СӨ култууратын туйгуна, Мүрү нэһилиэгин бочуоттаах олохтооҕо, 1957 c. Москваҕа, 1972 с. Башкирияҕа уонна Москваҕа, 1982 с. Ульяновскайга ыытыллыбыт Саха сирин култууратын күннэрин кыттыылааҕа Мария Алексеевна Бурцева төрөөбүтэ 85 сыла (1940-2002).
19 – СӨ норуотун хаһаайыстыбатын үтүөлээх үлэһитэ, Уус Алдан улууһун бастакы баһылыга (1992-1993), Уус Алдан улууһун бочуоттаах олохтооҕо Роман Петрович Попов төрөөбүтэ 85 сыла (1940-2015).
25 – Ис дьыала сулууспатын бэтэрээнэ Уус Маайа, Чурапчы, Уус Алдан улуустарыгар Ис дьыала отделын начальнигынан, оройуоннааҕы типография дириэктэринэн үлэлээбит, Аҕа дойду Улуу сэриитин бэтэрээнэ, Уус Алдан улууһун бочуоттаах олохтооҕо Михаил Михайлович Аммосов төрөөбүтэ 100 сыла (1925-2011).
Атырдьах ыйа
4 – Үлэ Албан Аата уордьан толору кавалера, сүөһүгэ сүмэһиннээх аһылыгы бэлэмнээһиҥҥэ улуус, өрөспүүбүлүкэ куоталаһыыларын кыайыылааҕа, Уус Алдан улууһун бочуоттаах олохтооҕо Николай Дмитриевич Бурнашев төрөөбүтэ 90 сыла (1935-2010).
12 – Мүрү нэһилиэгиттэн төрүттээх, медицинскэй наука кандидата, үрдүк категориялаах уролог-хирург. чэпчэки атлетикаҕа СӨ спордун маастара Василий Васильевич Сивцев 90 cааһа.
13 – СӨ үтүөлээх учуутала, РФ норуотун үөрэҕириитин туйгуна, кыраайы үөрэтээччи Марфа Ивановна Ховрова төрөөбүтэ 75 cыла (1950-2024).
15 – CCРС култууратын туйгуна, СӨ култууратын үлэһиттэрин VI сийиэһин дэлэгээтэ Дмитрий Дмитриевич Бысыин төрөөбүтэ 95 сыла (1930-2011).
17 – бастакы идэтийбит юрист Михаил Алексеевич Афанасьев төрөөбүтэ 155 (1870-1943).
19 – СӨ норуотун маастара Герман Гаврильевич Бурцев төрөөбүтэ 80 сыла (1945-2022).
25 – Бээрийэ нэһилиэгиттэн төрүттээх, СӨ култууратын үтүөлээх үлэһитэ, «Мемориал» уопсастыба Саха сиринээҕи салаатын бэрэссэдээтэлэ, бэлитиичэскэй репрессия сиэртибэлэрин бырааптарын чөлүгэр түһэрэр Саха сиринээҕи хамыыһыйатын чилиэнэ, «Саха» НКИХ бэлитиичэскэй бырагыраамаларын эрэдээктэрэ Валентина Васильевна Прибыткина 85 сааһа.
Балаҕан ыйа
4 – СӨ үтүөлээх энергетигэ, техническэй наука кандидата, Ил Түмэн II ыҥырыытын дьокутаата, Уус Алдан, Орто Халыма, Абый улуустарын бочуоттаах олохтооҕо Николай Макарович Парников 75 сааһа.
13 – Саха АССР култууратын үтүөлээх үлэһитэ, «Бочуот бэлиэтэ» уордьан кавалера, хормейстер, Найахы хорун төрүттээччи Семен Гаврильевич Васильев төрөөбүтэ 95 сыла (1930-1977).
Алтынньы
4 – CӨ тыатын хаһаайыстыбатын үтүөлээх үлэһитэ, Уус Алдан улууһун бочуоттаах олохтооҕо, Өлүөнэ – Мүрү уу ситимин бырайыактааһыҥҥа үлэлэспит Дмитрий Семенович Андросов төрөөбүтэ 95 сыла (1930-2016).
6 – CӨ норуотун хаһаайыстыбатын үтүөлээх үлэһитэ, биологическай наука кандидата, доцент, «Алаас Хотуна» хамсааһын салайааччыта Изабелла Петровна Матвеева 80 сааһа.
14 – СӨ култууратын үтүөлээх үлэһитэ, А.Е. Кулаковскай аатынан өрөспүүбүлүкэтээҕи норуот айымньытын дьиэтин генеральнай дириэктэрин солбуйааччынан үлэлээбит Семен Васильевич Хон төрөөбүтэ 80 сыла (1945-2022).
Сэтинньи
1 – педагогическай наука дуоктара, профессор, ХИФУ омук тылын үөрэтии методикатын кафедратын доцена Елена Денисовна Нелунова (Горохова) 80 сааһа.
7 – олоҥхоһут, тойуксут, норуот ырыаларын, чабырҕаҕы толорооччу Роман Петрович Алексеев – Бөҕө Арамаан төрөөбүтэ 125 сыла (1900-1977).
17 – үлэ, тыыл бэтэрээнэ, ырыа айааччы, “Тойон Мүрү” ырыа айааччылар түмсүүлэрин чилиэнэ Ким Петрович Колодезников төрөөбүтэ 90 сыла (1935-2019).
19 – СӨ култууратын үтүөлээх үлэһитэ, ырыаһыт, ырыа айааччы, продюсер Петр Семенович Петров – Бүөккэ Бөтүрүөп 60 сааһа.
23 – РФ үтүөлээх учуутала Акулина Петровна Федорова 75 сааһа.
24 – Саха АССР култууратын үтүөлээх үлэһитэ, норуот маастара, муосчут, ырыаһыт, Уус Алдан улууһун, Мүрү нэһилиэгин бочуоттаах олохтооҕо Аким Акимович Бурцев төрөөбүтэ 90 сыла (1935-2005).
Ахсынньы
13 – РФ тыатын хаһаайыстыбатын үтүөлээх үлэһитэ, Уус Алдан улууһун баһылыгын бастакы солбуйааччынан үлэлээбит, Уус Алдан улууһун бочуоттаах олохтооҕо Василий Афанасьевич Гоголев 75 сааһа.
21 – СӨ норуотун хаһаайыстыбатын үтүөлээх үлэһитэ, “Бочуот Бэлиэтэ” уордьан кавалера, Уус Алдан улууһун, Курбуһах нэһилиэгин бочуоттаах олохтооҕо Петр Николаевич Аммосов төрөөбүтэ 100 сыла (1925-2007).
23 – Саха АССР үтүөлээх бырааһа, Уус Алдан улууһун бочуоттаах олохтооҕо Екатерина Ивановна Ужинская төрөөбүтэ 95 сыла (1930-2020).
27 – СӨ норуотун үөрэҕириитин туйгуна, педагогическай үлэ бэтэрээнэ, норуот эмчитэ, СӨ норуотун маастара, Бээрийэ нэһилиэгин “Арчы” туосчуттар түмсүүлэрин салайааччы Варвара Тихоновна Васильева 85 сааһа.
С.С.Васильев – Борогонскай аатынан Уус Алданнааҕы кииннэммит бибилэтиэкэ матырыйаалларынан бэлэмнэннэ.