Быйыл 37-с төгүлүн ыытыллар үөрэх тэрилтэтин үлэһиттэрин спартакиадата киэн туттар биир дойдулаахпыт, Саха сирин спордун төрүттээччилэртэн биирдэстэрэ Николай Тарскай төрөөбүтэ 100 сылыгар ананна.
Спартакиадаҕа улуус бары үөрэҕин, эбии үөрэхтээһинин тэрилтэлэриттэн 700 кыттааччы кэлэн, барыта 23 хамаанданан күөн көрсүөхтэрэ.
Күрэхтэһээччилэр ытыы, теннис, саахымат, дуобат, хабылык, хаамыска, хапсаҕай, канат тардыһыыта, дартс быраҕыыта уонна эстафета көрүҥнэринэн икки күн илин-кэлин түсүһүөхтэрэ. Оттон кулун тутар 19-20 күннэригэр волейбол күрэҕэ буолуоҕа.
Спартакиада кыттыылаахтарыгар ситиһиини, кыайыылары баҕарабыт!