Республикатааҕы психологическай киин Уус Алданнааҕы филиалын психологтара улуустааҕы «Россия Ийэлэрэ» общественнай хамсааһыны кытта кыттыһан филиал иһинэн «Помощь волонтера бесценна» бырайыагы тэрийбиттэрэ.
Бырайыак үлэтин хайысхата – улуус делегацията СВО территориятыгар барарыгар уолаттарга анаан таҥастаах вещмешоктары тигэн бэлэмнээһин. Вещмешокка көстүүм, тактическай рубашка, плащ-палатка, сэлээппэ, балаклава, бандана, кээнчэ, футболка, «браслет выживания», харысхаллар, ыраастанар оттор.
– Билигин сүрүннээн военизированнай таҥаһы тигиинэн дьарыктанабыт. Манна Балыктаах, Танда, Тулуна, Өнөр, Түүлээх, Элэһин, Майаҕас, Мүрү, Дүпсүн, Сыырдаах, Кэптэни волонтер дьахталлара кыттыһан олороллор. Олор истэригэр СВО кыттыылаахтарын ийэлэрэ, кэргэттэрэ, чугас аймахтара бааллар. Тигэр таҥастарбытыгар саллааттар баҕа санааларын учуоттаан, кинилэргэ табыгастааҕынан оҥоро сатыыбыт.
Улуус делегацията барарыгар 100 кэмпилиэги бэлэмниэхтээхпит, билиҥҥи туругунан, бэлэм 14 комплект баар. Ону таһынан, отпускаҕа кэлбит уонна саҥа хантыраак баттаһан баран эрэр уолаттарга бу күҥҥэ 12 кэмпилиэги илиилэригэр туттардыбыт.
Манна даҕатан эттэххэ, волонтер үлэтэ – ис сүрэхтэн тахсар үлэ. Улууспут волонтер дьахталлара уолаттарбыт этэҥҥэ сылдьалларын, өйдүүн санаалыын бигэ туруктаах буолалларын туһугар дууһаларын ууран, баҕа санаабытынан салайтаран үлэлиибит, үлэлиэхпит. Күндү биир дойдулаахтарбытын волонтердар хамсааһыннарыгар кыттыһарга ыҥырабыт, – диэн психологическай киин улуустааҕы филиалын иһинэн үлэлиир волонтердар иһитиннэрдилэр.
