I-кы Өспөх нэһилиэгин Уһун Күөл орто оскуолатыгар СӨ норуот хаһаайыстыбатын үтүөлээх үлэһитэ, Россия агропромышленнай комплексын бочуоттаах үлэһитэ, СӨ тыа хаһаайыстыбатын, уу хаһаайыстыбатын туйгуна, РФКП “Партия килбиэнэ” уордьанын кавалера, Мүрү, I-кы Өспөх, Баатаҕай нэһилиэктэрин уонна Уус Алдан улууһун бочуоттаах олохтооҕо, үлэ бэтэрээнэ Николай Николаевич Оллонов аатын иҥэрэр туһунан быһаарыыны улуус дьокутааттарын уочараты таһынан VI-с сессияларыгар ылыннылар (46№, 2024 с. кулун тутар 20 к. ).
Итини таһынан VI-с сессияҕа Уус Алдан улууһун тыа хаһаайыстыбатын управлениета ааспыт 2023 сылга улууска тыа хаһаайыстыбатын сайыннарыыга ыыппыт үлэтин отчуотун туруорбутун бигэргэттилэр, 2023 с. ахсынньы 28 күнүнээҕи IV-с сессиянан бигэргэммит Уус Алдан улууһун бюджетын туһунан быһаарыыга уонна 2008 с. от ыйын 18 күнүнээҕи 349 №-дээх быһаарыынан бигэргэммит «“Уус Алдан улууһун бочуоттаах олохтооҕо” ааты иҥэрии туһунан» балаһыанньаҕа уларытыылары киллэрдилэр.
