Уус Алдан улуустааҕы ИДьО-гар нэдиэлэ устата (30.12.2024 – 06.01.2025) араас көрүҥнээх барыта 34 иһитиннэрии-биллэрии, сайабылыанньа киирэн бэрэбиэркэлэммит.
Ол иһигэр араас эт-хаан эчэйиитин ылан «Суһал көмөҕө» көрдөрүү – 14, дьиэҕэ-уокка айдаарыы – 9, уоруу, сүтэрии, түөкүннээһин туһунан – 1, сотрудник рапора – 1, баһаар, буруо тахсыытын туһунан – 1, дьон түүҥҥү чуумпутун уйгуурдан – 4, атын улуустан, куораттан кэлии иһитиннэриилэр, араас үҥсүүлэр – 2.
Нэдиэлэ устата саалаах 31 киһи бэрэбиэркэлэммит, 4 сааны харайыыга, илдьэ сылдьыыга сокуону кэһии булуллан ылыллыбыттар.
Нэдиэлэ устата араас хайысхалаах барыта 60 административнай боротокуол толоруллубут, ол иһиттэн уопсастыбаннай сиргэ итирик туруктаах сылдьан – 10, дьон түүҥҥү чуумпутун уйгуурдан – 4, төрөппүт эбээһинэһин ситэ толорботтон – 2, онтон да атыттар.
Пааспартнай линиянан административнай боротокуол толоруллубатах, омук сириттэн кэлбит 5 киһи олорор, үлэлиир сиригэр бэрэбиэркэ ыытылынна.
ГАИ линиятынан барыта 412 массыына бэрэбиэркэлэммит, онтон 43 суоппарга араас хабааннаах административнай боротокуол толоруллубут, 2 суоппар арыгы испит туруктаах массыына ыыта сылдьан тутуллубут, 2 автотранспорт штрафстоянкаҕа угуллубут.
Нэдиэлэ устата холуобунай дьыала тэриллибэтэх.