Улуустааҕы “Мүрү саһарҕата” хаһыат эһиилги сыллааҕы чэпчэтиилээх сурутуутун кэмигэр улуус тыатын хаһаайыстыбатын управлениетын исписэлиистэрин кытта көрсүһүү түмүгүнэн, 2024 сыллааҕы чэпчэтиилээх сурутууга кэлэктиип көхтөөхтүк кытынна.
Көрсүһүү кэмигэр исписэлиистэр үйэ тухары үйэтитиллэр хаһыат суолтатын толору өйдүүллэрин эттилэр. Ол курдук хаһыат “Илгэ төрдө” диэн анал балаһатыгар, ону тэҥэ олохтоох нэһилиэнньэҕэ уонна тыа хаһаайыстыбатын аһын-үөлүн дэлэтээччилэргэ туһалаах уонна наадалаах иһитиннэриилэри хаһыакка сырдатары биһирииллэрин биллэрдилэр. Итинник сырдатыы үлэтэ инникитин салгыы ыытылларыгар бэйэлэрин санааларын үллэһиннилэр, кыттыһалларын эттилэр.
Светлана Сивцева