Бүгүн хореографтар улуустааҕы түмсүүлэрэ тэриллибитэ 25 сылын бэлиэтиир тэрээһиннэр чэрчилэринэн семинар буолан ааста.
Онуоха үҥкүүһүттэри А.Д. Макарова аатынан Дьокуускайдааҕы култуура уонна искусство колледжын преподавателлэрэ кэлэн хореографтар квалификацияларын үрдэтиигэ түөрт көрүҥҥэ, ол иһигэр народнай үҥкүүгэ Светлана Степанова, аҕыйах ахсааннаах хотугу норуоттар үҥкүүлэригэр Туйаара Попова, аныгы кэнсиэр нүөмэрин туруорууга Вера Яковлева, саха оһуохайын араастарыгар Галина Лыткина уонна хореография кафедратын салайааччыта Станислав Степанов үөрэттилэр.
Улууспут нэһилиэктэриттэн уопсайа 15 хореограф кэлэн үөрэннэ. Семинарбыт түмүктэнэр чааһыгар Уус Алдан улууһун үөрэҕин уонна култууратын управлениеларын салайааччылара Степан Литвинцев уонна Сергей Нафанаилов кыттыыны ыллылар, киин куораттан кэлбит ыалдьыттарбытыгар махтал суруктары уонна өйдөбүнньүк бэлэхтэри туттардылар.
Ульяна Ноговицына, хореографтар улуустааҕы түмсүүлэрин салайааччыта