Бүгүн улуус дьаһалтатын баһылыга Василий Аммосов, тустаах тэрилтэлэр салайааччылара уонна нэһилиэктэр баһылыктара кыттыылаах улууска тыа баһаарыгар бэлэм боппуруоһугар мунньахтаатылар.
Улуус баһылыга мунньаҕы саҕалыырыгар Эбэ уута биһиги улууска этэҥҥэ ааһан эрэрин, ууга барбыт Нам улууһугар көмөттөн туора турбакка, улууспут тэрилтэлэрин, уопсастыбаннай хамсааһыннарын үлэлэһэргэ ыҥырда.
Тыа баһаардара тахсалларын кэтээн көрүүгэ, умуруорууга «Якутлесресурс» тэрилтэттэн 23 киһи, 11 тиэхиньикэ, ол иһигэр үс гусничнай, биир көлүөһэлээх тыраахтар үлэлиирин туһунан этилиннэ. Тиэхиньикэ барыта техническэй көрүүнү, оттон үлэһиттэр медкөрүүнү ааһан үлэлииргэ бэлэмнэрэ бэлиэтэннэ.
Нэһилиэктэртэн 210 киһи, 70 тиэхиньикэ үлэлиэхтээҕэ бигэргэннэ итиэннэ минерализованнай балаһалары хаһан бүтэрэргэ, тыа баһаарын сэрэтэр үлэни күүһүрдэргэ сорук турда.
Мария Аргунова