Бүгүн, балаҕан ыйын 25 күнүгэр, улуус дьаһалтатын планеркатыгар баһылык Василий Аммосов саҥа анааһыннарын туһунан иһитиннэрдэ.
Ол курдук улуус баһылыгын солбуйааччынан бу иннинэ 2-с Лөгөй нэһилиэгин баһылыгынан үлэлээбит Иннокентий Троев ананна. Кини тутуу, ДьУоКХ, ыксаллаах быһыы-майгы, урбаан боппуруостарынан дьарыктаныаҕа.
Иннокентий Троев
Мария Горохова
Маны тэҥэ улуус дьаһалтатын аппараатын салайааччытынан Мария Горохова буоларын иһитиннэрдэ. Өссө биир саҥа анааһынынан бу иннинэ Мүрү нэһилиэгин дьаһалтатыгар исписэлииһинэн үлэлээбит Ньургуйаана Захарова кадр отделын сүрүннүүр специалиһынан буолла.
Онон улуус салалтатыгар саҥа салайааччылар кэлэн эрэллэр.
Афанасий Сектяев