Уһун Күөл оскуолатын уонна нэһилиэгин кыраайы үөрэтэр түмэлэ «Сэбиэскэй Саҥа дьыл» диэн чымадаан-мусуой ретро-быыстапката тохсунньу 10-с күнүгэр буолан ааста. Манна биэс нэһилиэк (Уһун Күөл, Дүпсүн, Өнөр, Бээди, Тулуна) аҕам саастаахтара түмсэн (сал. Дария Сивцева) саҥа дьыллааҕы көрсүһүүлэрин баай ис хоһоонноото, дьон сэҥээриитин ылла.
Ырыа-тойук доҕуһуоллаах элбэх эҕэрдэ тыл этилиннэ, көрдөөх оонньуу оонньонно, сэргэх сэһэн-сэппэн эҥээрдэстэ. Кэлбит ыалдьыттар түмэли көрдүлэр, санаа атастастылар, баҕа санааларын эттилэр.
Быыстапка түмүгэр анал ааттар бэрилиннилэр: «Саамай баай ис хоһоонноох чымадаан» – Агафья Тарабукина (Тулуна), Наталья Стрекаловская (Уһун Куөл) «Саамай былыргы харыйа оонньуура» – Саргылана Босикова (Уһун Күөл), «Саамай аҕам саастаах кыттааччы» Дария Сивцева (Уһун Күөл). Кыайыылаахтар добун сурук уонна өйдөбүнньүк бэлэх туттулар, хас биирдии кыттааччыга туоһу сурук туттарылынна.
Олохтоохтор, ыалдьыттар сэбиэскэй кэминээҕи Саҥа дьыл бырааһынньыгын санаан, ахтан аастылар.
Валентина Стрекаловская, түмэл салайааччыта