Бороҕон нэһилиэгин А.Р. Халдеева аатынан модельнай библиотекаҕа, республиканскай дьыктаан акциятыгар кыттыстыбыт. Дьыктаан тиэкиһин педагогическай үлэ бэтэрээнэ, РСФСР үөрэҕэриитин туйгуна, Бороҕон нэһилиэгин бочуоттаах олохтооҕо Зоя Протопопова аахта.
Тэрээһиҥҥэ «Таптыыр Сахам тылынан…» биктэриинэ ыытылынна, кыайыылаахтарынан Зоя Протопопова, Раиса Софронова ааттанан сертификатынан бэлиэтэннилэр. Республикатааҕы акцияҕа Дьокуускайтан биир дойдулаахпыт педагогическай үлэ ветерана, учууталлар Учууталлара, Бороҕон нэһилиэгин бочуоттаах олохтооҕо Мария Халдеева эмиэ кытынна. Кыттааччыларга барыларыгар СӨ Национальнай библиотекатын туоһу суруктарын, Зоя Протопоповаҕа Национальнай библиотека махтал суругун туттардыбыт.
hdrpl
Итини таһынан Төрөөбүт тыл, сурук-бичик күнүгэр анаан кинигэ быыстапкатын, обзорун тэрийдибит. Анал нэдиэлэ чэрчитинэн оскуола үөрэнээччилэригэр «Таптыыр сахам тылынан…» республикатааҕы дьыктааҥҥа барыта 38 үөрэнээччи кытыыны ылла. Бастыҥ үлэлэри улуус киин библиотекатыгар ыыттыбыт. Ону сэргэ нэһилиэк тэрилтэлэримн кэлэктииптэрэ, олохтоохторо биир дойдулаахпыт, олохтоох ааптар Уйбаан Бахсылыырап «Иллээх дьиэбитигэр» хоһоонун улууска күргүөмүнэн ааҕыыга, биирдиилээн, бөлөҕүнэн кытыннылар. Манна барытыгар Арыы Тиит, Элэһин олохтоохторо эмиэ көхтөөхтөрүн көрдөрдүлэр.
Библиотека бастыҥ ааҕар дьиэ кэргэнин элбэх оҕолоох ийэтэ Наталья Петровна Хаҥалас улууһун Төхтүрүгэр доргуччу ааҕыыга республикатааҕы күөн-күрэскэ ситиһиилээхтик кыттыбытын туоһута II үрдэл мэҥэ суругун тутта. Сахабыт тыла чэчирии, үүнэ-сайда турдун!
Светлана Прудецкая, библиотекарь, уопсас. кэрэсп.