Тулунатааҕы «Татыйык» оҕо саадыгар сылын аайы Байанай ыйыгар аналлаах араас тэрээһиннэр буолаллар. Быйыл улахан бөлөх оҕолоро өр сылларга муҥханан дьарыгырар үлэ бэтэрээнэ Иннокентий Габышев тэрийбит норуот муҥхатыгар сылдьыбыттара социальнай ситимнэргэ хаартысканан, видеонан тарҕанан бүтүн Саха сирин олохтоохторун интэриэстэрин тарта. Оттон оҕолор өбүгэ үгэһин – муҥха хаамыытын – көрөн, сэргээн, Күөх Боллох бэлэҕин тутан үөрдүлэр.
Баай Байанай ыйыгар аналлаах аралдьытыыны оҕо саадпыт физкультураҕа инструктора Сардаана Ягловская ыытта, оҕолор таабырын таайдылар, өбүгэлэрбит туттар тэриллэрин билистилэр, быһыйдарын, сымсаларын, таба быраҕалларын сайыннаран күрэхтэстилэр, оонньоотулар.
Иитээччилэр, төрөппүттэр кыттыылаах «Сонор» толкуйдатар остуол оонньуутугар күрэхтэһии ыытылынна. Кыайыылаахтар туоһу суругунан бэлиэтэннилэр.
Александра Васильева, бас иитээччи